Copia privada

La copia privada, según la llexislación española, ye'l drechu dau a una persona pa facer copies d'obres audiovisuales, ensin autorización expresa del autor. Pa poder facela hai que cumplir unos requisitos, como que la obra ya te divulgada, la copia sea pa usu personal, que nun se vaiga reproducir coleutivamente y que nun haiga ánimu de lucru. L'artículu 270.1 del códigu penal establez les penes que-y podríen cayer a daquién que ficiera copies privaes ensin cumplir los requisitos.

El drechu de copia privada vien recoxíu na llei de propiedá intelecutal (LPI). N'ella tamién vien la remuneración por copia privada que compensa los ingresos que se dexan de percibir pola reprodución nel ámbitu priváu. Dende'l 1 de setiembre de 2003 la ASIMELEC (asociación de dellos frabicantes de CDs y DVDs) y les entidaes de xestión de derechos de propiedá intelectual tienen firmáu un acuerdu pol que se-yos aplica un canon a estos soportes dixitales.

Esta midida foi mui controvertida, especialmente dende'l movimiento del software y la cultura llibre, ya que al cobrar un canon indiscriminadamente a tolos CDs y DVDs habría que paga-yos por copiar semeyes particulares, distribuciones de Linux o la propia música que faiga ca ún.

Enllaces esternos

• Llei de Propiedá Intelectual de 1996 (en castellanu)
• Movimientu anti-canon nos soportes dixitales (en castellanu)