Corporació Catalana de Mitjans Audiovisuals
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
La Corporació Catalana de Mitjans Audiovisuals (CCMA) (n'asturianu, Corporación Catalana de Medios Audiovisuales) ye un muérganu de la Generalitat de Cataluña encargáu de producir y difundir productos audiovisuales velando pola normalización llingüística y cultural de Cataluña. Foi creada nel añu 1983. Hasta l'añu 2007 deniminose Corporació Catalana de Ràdio i Televisió (CCRTV) (n'asturianu Corporación Catalana de Radio y Televisión). La CCMA ye miembru de la Federación d'Organismos de Radio y Televisión Autonómiques (FORTA).
| Corporació Catalana de Mitjans Audiovisuals | |
|---|---|
| Corporació Catalana de Mitjans Audioviuals, S.A. (ca) | |
radiodifusión pública (es)  y Corporación | |
 | |
 | |
| Llocalización | |
| Sede | Sant Joan Despí |
| Direición | España |
| Historia | |
| Fundación | 30 mayu 1983 |
| Fundador | Parllamentu de Cataluña |
| Organigrama | |
| Presidente | Rosa Romà Monfà |
| Sector | |
| Industria |
comunicación de masas (es) |
| Datos económicos | |
| Bolsa de valores | Xeneralidá de Cataluña |
| Emplegaos | 2445 (2023) |
| Web oficial | |
 | |
Historia
editarEl 29 de setiembre de 1982 el Conseyu Executivu del Gobiernu de la Generalitat de Cataluña aprueba a Llei que regula la creación del ente públicu Corporació Catalana de Mitjans Audiovisuals, nomada n'aquel momentu y hasta l'añu 2007 como Corporació Catalana de Ràdio i Televisió. El testu final, foi aprobáu por consensu del Parlament el 18 de mayu de 1983.
Nesi mesmu añu entamen les obres de construcción de los estudios de Televisió de Catalunya en Sant Joan Despí, metanes Catalunya Ràdio entama les sos emisiones radiofóniques el 20 de xunu dende les sos instalaciones en Diagonal 614.
La Corporación habilita nesti tiempu'l centru emisor del Tibidabo, qu'entama a emitir la carta de axuste de TV3 de ocho de la mañana a nueve de la nueche. El 10 se setiembre tien llugar la primer emisión esperimental nun programa coordináu por Lluis M. Güell y presentáu por Àngels Moll y Joan Pera. El presidente de la Generalitat, Jordi Pujol, lleyó un mensaxe onde remarcó la importancia del nuevu mediu de comunicación como ferramienta de normalización llingüística.
N'ochobre, Catalunya Ràdio entama les sos emisiones regulares y tres meses dempués, el 16 de xineru de 1984 entama a emitir TV3. Les señales de Catalunya Ràdio y TV3 comiencen a espardese pel territoriu catalán, llegando a Andorra y norte de la Comunidá Valenciana en 1985.
Nun sería, ensin embargu, hasta 1988 cuanto TV3 entame les sos emisiones n'aranés dientru del Valle d'Arán. Nesti mesmu añu entamen les emisiones regulares de la segunda canal de la Televisió de Catalunya, 33.
Nel añu 1989, TV3 Y Catalunya Ràdio entamen un procesu de descentralización de los sos servicios informativos con delegaciones nes cuatro provincies catalanes. Asina mesmo, TV3 pon en marcha el serviciu de teletestu.
Coincidiendo cola festividá de la Diada, el 11 de setiembre de 1992 entamen les emisiones de Catalunya Informació, dedicada les 24 hores a la emisión de noticies en catalán.
En 2005 los gobiernos catalán y balear roblen un alcuerdu pol qu'intercambien les señales de les sos televisones autonómiques. TV3 estiende la so cobertura a les Islles Baleares ya IB3 fai lo mesmo en Cataluña. Nesti añu, Televisió de Catalunya llanza la canal K300
Grupu
editarEmpreses de la CCMA
editar- Televisió de Catalunya
- Catalunya Ràdio SGR
- CCRTV Interactiva
- Activa Multimedia Dixital
- CCRTV Servicios Xenerales
Empreses participaes pola CCMA
editar- Axencia Catalana de Noticies (Participación mayoritaria)
- Vang 3 Publicaciones (Xunto a La Vanguardia)
Direutores Xenerales
editar- Pere Cuxart i Bartolí 1983-1984
- Josep Caminal i Bahía 1984
- Joan Granados i Llevarán 1984-1995
- Jordi Vilajoana i Rovira 1995-1999
- Luis Oliva Vázquez de Novoa 1999
- Miquel Puig i Raposo 2000-2002
- Vicenç Villatoro i Lamolla 2002-2004
- Joan Majó i Cruzate 2004-2008
- Rosa Cullell 2008-Anguaño
Referencies
editarEnllaces esternos
editar
Wikimedia Commons acueye conteníu multimedia sobre Corporació Catalana de Mitjans Audiovisuals.- Web de la Corporación Catalana de Medios Audiovisuales (en catalán, castellanu, inglés y francés)
- Web de Televisión de Catalunña (en catalán)
- Web de Catalunya Radio SGR (en catalán)
- Portal de noticias 3cat24.cat (en catalán)
Datos: Q3323383- Multimedia: Corporació Catalana de Mitjans Audiovisuals
