Cousas
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
Cousas ye una obra d'Alfonso Daniel Rodríguez Castelao, asoleyada en dos partes (1926 y 1929), que ye una interpretación trescendente de Galicia, una esploración de la so problemática socio-económica al traviés del desfile de marxinaos: Vieyes abandonaes, xentes somorguiaes na miseria, ciegos...
| Cousas | |
|---|---|
| obra lliteraria | |
| Datos | |
| Autor | Alfonso Daniel Rodríguez Castelao |
| Llingua de la obra | gallegu |
| País orixinal |
 España |
 | |
La obra entama cola introducción "A carón da natureza", introducción que-y val al autor pa manifestar qu'emplegó la lliteratura como calce d'espresión por mor de la necesidá de comunicar mensaxes que la pintura nun pue espresar.
Cada cousa ta compuesta por un testu y una semeya complementaria que-y dan fondu dramáticu a los socesos desendolcaos. El testu avera brevemente asuntos, polo xeneral d'ambiente llabriegu o marineru, de temática variada, sintéticos, comprimíos por mor d'una téunica asemeyada a la que Castelao emplega nos sos dibuxos: trazos firmes y llimpios qu'amuesen l'oxetu en primer planu, demientres que'l restu de la información nun ye más que suxestión.
La fórmula qu'emplega Castelao nesta obra ye mui orixinal, un nuev xéneru que supera la llende de lo esclusivamente lliterario pa, cola ayuda de la imaxe, narrar socesos nos que tán enxertos estremaos personaxes con procuru especial na frase y na pallabra. La cousa ye la manifestación más completa del estilu de Castelao, ye en sí mesma un estilema, pos ta presente en tola so narrativa, fasta'l puntu de poder desplicar la estructura d'Un ollo de vidro, Retrincos o Os dous de sempre como una compilación de coses.
Referencies
editar
Datos: Q3313743
