Testu
Un testu ye una composición de signos codificaos nun sistema d'escritura (como un alfabetu) que forma una unidá de sentíu. El so tamañu puede ser variable.
| Testu | |
|---|---|
género documental (es)  | |
|
record (en) y obra escrita | |
 | |
 |
Tamién ye una composición de caráuteres imprentables (con grafema) xeneraos por un algoritmu de cifráu que, anque nun tienen sentíu pa cualquier persona, sí puede descifrase pol destinatariu orixinal. N'otres pallabres, un testu ye una cadarma de signos con una intención comunicativa que tien sentíu nun contestu determináu.
Les idees esenciales que comunica un testu tán conteníes no que de vezu llámense «macroproposiciones», unidaes estructurales de nivel cimeru o global, que dan coherencia al testu constituyendo'l so filu central, la cadarma estructural que cohesiona elementos llingüísticos formales d'altu nivel, como los títulos y subtítulos, la secuencia de párrafos, etc. En contraste, les «microproposiciones» son los elementos qu'ayuden a la cohesión d'un testu, pero a nivel más particular o llocal. Esta distinción féxola Teun van Dijk en 1980.[1]
El nivel microestructural o llocal ta venceyáu col conceutu de cohesión. Refierse a unu de los fenómenos propios de la coherencia, el de les rellaciones particulares y llocales que se dan ente elementos llingüísticos, tanto los qu'unvien unos a otros como los que tienen la función de coneutar y organizar. Tamién ye un conxuntu d'oraciones agrupaes en párrafos que fala d'una tema determinada.
Testu llingüísticu
editarAcordies con Greimas, ye un enunciáu yá sía gráficu o fónicu que nos dexa visualizar les pallabres qu'escuchamos que s'utiliza pa manifestar el procesu llingüísticu. Mentanto Hjelmslev usa esi términu pa designar el tou d'una cadena llingüística sin llende (§1).
En llingüística, non tolos conxuntos de signos constituyen un testu.
Llámase testu a la configuración de llingua o fala y utilícense signos específicos (signu de la llingua o fala) y ta organizada según les regles de la fala o idioma.
Testu como "diálogu" y testu como "monólogu"
editarOtra noción importante ye que los testos (y discursos) nun son namái «monologales». En llingüística, el términu testu sirve tanto pa producciones onde namái hai un emisor (situaciones monoxestionaes o monocontrolaes) como pa les que dellos intercambien los papeles (situaciones polixestionaes o policontrolaes) como les conversaciones. El testu contién conectores y signos, etc.
Exemplos :
- Monologales
- Oral: Una declamación, un discursu políticu.
- Escrita: Una carta de solicitú o una novela.
- Dialogales
- Oral: Una conversación nun chigre o nun bancu.
- Escrita: Una conversación per chat o per cartes.
Carauterístiques
editarEsti testu o conxuntu de signos estrayíos d'un discursu tien d'axuntar condiciones de testualidá. Les principales son:
- Cohesión.
- Coherencia.
- Significáu.
- Progresividá.
- Intencionalidá.
- Adecuación.
Según los llingüistes Beaugrande y Dressler, tou testu bien ellaboráu hai de presentar siete carauterístiques:
- Hai de ser coherente, esto ye, centrase nuna sola tema, de forma que les distintes idees arramaes nél han de contribuyir a la creación d'una idea global.
- Hai de tener cohesión, lo que quier dicir que les distintes secuencies que lo construyen han de tar rellacionaes ente sigo.
- Hai de cuntar con adecuación al destinatariu, de forma qu'utilice un llinguaxe comprensible pal so llector ideal, pero non necesariamente pa tolos llectores (casu de los volcaos de nucleu mentaos más arriba) y de forma que, amás, ufierte tola información necesaria (ya'l mínimu d'información innecesaria) pal so llector ideal o destinatariu.
- Hai de cuntar con una intención comunicativa, esto ye, tien de querer dicir daqué a daquién y por tanto faer usu d'estratexes afayadices p'algamar eficacia y eficiencia comunicativa.
- Hai de tar enmarcáu nuna situación comunicativa, esto ye, ten de ser enunciáu dende un equí y agora concretu, lo que permite configurar un horizonte de mires y un contestu pa la so comprensión.
- Hai d'entrar en rellación con otros testos o xéneros p'algamar sentíu y poder interpretase conforme a una serie de competencies, presupuestos, marcos de referencia, tipos y xéneros, porque nengún testu esiste de mou aislláu de la rede de referencies que-y sirve pa dotase de significáu.
- Hai de tener información en grau abondu pa resultar novedosu ya interesante pero nun esixir tanta que colapse'l so sentíu evitando que'l destinatariu sía capaz d'interpretalo (por casu por una demanda escesiva de conocencies previes).
Con éses un testu hai de ser coherente, cohesionáu, comprensible pal so llector ideal, intencionáu, enmarcáu nuna situación comunicativa ya incluyíu n'otros testos o xéneros p'algamar sentíu; igualmente hai de tener información en grau abondu pa resultar novedosu ya interesante.
Tipos de testu
editarCol envís d'agrupar y clasificar la gran diversidá de testos, propunxéronse tipoloxíes testuales. Estes básense en distintos criterios como la función que cumple'l testu en rellación colos interllocutores o la estructura global interna que presenta.
La clasificación más simple de los testos, en función de les carauterístiques que predominen en caún (considérase que nun hai testu puru, esto ye, nun hai testu que tenga traces correspondientes namái a cada categoría, tou testu ye híbridu), ye como sigue:
- testos narrativos
- testos descriptivos
- testos argumentativos
- testos conmutativos
- testos esplicativos
- testos espositivos
- testos conclusivos
- testos informativos
- testos predictivos
- testu formal
- testu llibre
Referencies
editar- ↑ van Dijk, T.A. (1980).