Cuetu d'Arbas
El cuetu d'Arbas ye una zona de monte nel conceyu asturianu de Cangas del Narcea que ta considerada reserva natural y ta recoyida na Rede Rexonal d'Espacios Naturales Protexíos d'Asturies (RRENP), anque inda nun ta oficialmente declarada como tal.[1] La zona ta incluyida dientro del Parque Natural de les Fontes del Narcea, Degaña ya Ibias y de la Reserva de la Biosfera de Munieḷḷos y protexe una estensión de 2593 ha.[2]
| Cuetu d'Arbas | |
|---|---|
Reserva Natural (es)  | |
| Situación | |
| País |  España |
| Autonomía |  Principáu d'Asturies |
| Provincia | provincia d'Asturies |
| Conceyu |  Cangas del Narcea |
 | |
Trátase d'un espaciu arrodiáu de cordales d'altu monte abiertu solo pel este, una antigua zona glaciar que va dende los 800 m d'altitú hasta los 2008 m. Na vexetación cabe destacar la d'altu monte apaeciendo montes d'abeduriales altimontanos y fayedales nes zones más baxes de la reserva. Lo que más destaca de tol área son sicasí la vexetación de turbera sobremanera nes turberas de Chouchinas y Reconcos y la Llaguna de Arbas. Na fauna nun s'estrema a la del restu del parque natural destacando el xabalín, el corzu y el robecu cantábricu. Nes aves podemos destacar el faisán montés cantábricu. De tolos animales del parque el más importante con diferencia ye l'osu pardu.
Referencies
editar- ↑ «Copia archivada». Archiváu dende l'orixinal, el 4 de marzu de 2016. Consultáu'l 14 de xineru de 2016.
- ↑ «SIAPA, Sistema de Información Ambiental del Principado de Asturias» (2007-11-23). Archiváu dende l'orixinal, el 23 de payares de 2007. Consultáu'l 2021-02-16.
Enllaces esternos
editar
Datos: Q5794076
