Cueva del Buxu
La Cueva del Buxu ye una cavidá natural na roca alluagada nel Principáu d'Asturies, España. Nel so interior atopáronse manifestaciones d'arte prehistóricu del periodu Solutrense y Magdaleniense, ente elles representaciones d'animales, como caballos y venaos, igual que figures xeométriques que fueron nomaes tectiformes y podríen representar trampes de caza. Tamién atopóse'l canil d'osu de les cavernes cola imaxe d'un ave grabada, pieza que tá espuesta nel Muséu Arqueolóxicu d'Asturies y debió d'usase como colgante, pues representa un furu na parte proximal. Dientro de la industria lítica, atopáronse distintos oxetos fabricaos en xil, principalmente raspiadores. La cueva foi declarada monumentu nel añu 1985. Alcúentrase allugada nel conceyu Cangues d'Onís, nes proximidaes del pueblu de Cardes, dende onde ye preciso llegar a pie, percorriendo una sienda d'un quilómetru de llargor.[2][3][4] La cueva foi llugar d'inspiración del dibuxante y arqueólogu Roberto Frassinelli. Ye ún de los enclaves calificaos como "máxicos" por Juan García Atienza.
| Cueva del Buxu | |
|---|---|
| Bien d'Interés Cultural | |
| monumentu | |
 | |
| Llocalización | |
| País |  España |
| Autonomía |  Principáu d'Asturies |
| Provincia | provincia d'Asturies |
| Conceyu |  Cangues d'Onís |
| Coordenaes | 43°21′31″N 5°06′02″W / 43.3587°N 5.1006°O |
  Cueva del Buxu Cueva del Buxu (Asturies) | |
| Patrimoniu | |
| BIC | RI-51-0010076[1] |
 | |
Sienda
editarEl camín que conduz a la carretera del unicorniu ye una sienda de un quilómetru de llargor n'ascensu, bien acondicionada per aciu de pasos pa facilitar la xubida. Parte del pueblu de Cardes nel puntu 43°21′17″N 5°05′44″W / 43.354624°N 5.095513°O, terminao nel recintu en 43°21′27″N 5°05′57″W / 43.35761°N 5.0991°O. L'accesu a la cueva namás ye posible con cita previa, dexando la entrada a pequeños grupos de 6 persones, hasta 25 persones al día como máximu. La visita dura unos 40 minutos, un guía fai'l percorríu y la descripción del llugar, pues les pintures son difíciles de ver pa los non inciaos.
Hestoria del descubrimientu
editarEn payares de 1916, Ricardo Duque de Estrada (Conde de la Vega del Sella), aficionáu a la arqueoloxía, unvió al so prospector, Cesáreo Cardin, a facer una inspeición de la Cueva de las Inxanas, pero enquivocándose de ruta, descubrió al traviés d'un pequeñu pasadizu, la cueva del Buxu, allugada na Peña Ancueva, mui cerca del regueru d'Entrepeñes en Cardes, conceyu de Cangues d'Onís. El Conde la Vega del Sella fizo l'estudiu del descubrimientu y espublizó en 1918 un trabayu alrodiu de los afayos del llugar en collaboración con Hugo Obermaier.
Referencies
editar- ↑ «base de datos de monumentos de Wiki Loves Monuments» (13 payares 2017).
- ↑ Yacimientos Arqueológicos del Principado de Asturias: El Buxu. Consultáu'l 2 d'agostu de 2014.
- ↑ Cueva de El Buxu. Asturnatura. Consultáu'l 2 d'agostu de 2014
- ↑ «Mario Menéndez Fernández: Excavaciones arqueológicas en la Cueva del Buxu». Archiváu dende l'orixinal, el 11 d'agostu de 2014. Consultáu'l 3 d'agostu de 2014.
Enllaces esternos
editar
Wikimedia Commons acueye conteníu multimedia sobre Cueva del Buxu.- Cueva del Buxu. Visita virtual
Datos: Q5794140- Multimedia: Cueva del Buxu
