Día de la Solidaridá colos Presos Políticos de Sudáfrica
L'Asamblea Xeneral de les Naciones Xuníes proclama'l 11 d'ochobre como Día de la Solidaridá colos Presos Políticos de Sudáfrica.
| Día de la Solidaridá colos Presos Políticos de Sudáfrica | ||
|---|---|---|
| Día de celebración | 11 d'ochobre | |
| Llugar de celebración | Día Internacional | |
| [editar datos en Wikidata] | ||
Celebración editar
El 9 de payares de 1976 l'Asamblea Xeneral de les Naciones Xuníes na so resolución 31/6 C proclama'l 11 d'ochobre como Día de la Solidaridá colos Presos Políticos de Sudáfrica.[1]
L'Asamblea Xeneral,
1. Condena al réxime racista de Sudáfrica pola so represión despiadada contra'l pueblu primíu de Sudáfrica y otros oponentes del apartheid;
2. Reafita la so solidaridá con tolos sudafricanos que lluchen contra l'apartheid y pol establecimientu del gobiernu de la mayoría, l'exerciciu del so derechu a la llibre determinación y los principios consagraos na Carta de les Naciones Xuníes;
3. Esixe la lliberación inmediata ya incondicional de toles persones encarcelaes o que la so llibertá foi acutada por haber participáu na llucha pola lliberación en Sudáfrica;
4. Proclama'l 11 d'ochobre Día de la Solidaridá colos Presos Políticos de Sudáfrica;
5. Pide al Centru contra l'Apartheid que, en consulta col Comité Especial contra l'Apartheid, intensifique la publicidá en pro de la causa de toles persones escorríes pola so oposición al apartheid en Sudáfrica.
Fin del apartheid editar
La lliberación de Nelson Mandela nel 1990, dempués de 27 años de prisión, y la socesiva eleición a xefe d'Estáu, decretaron el fin del apartheid.
Les eleiciones del 1994 determinaron la victoria aplastante del Congresu Nacional Africanu (CNA), col 62,65% de los votos, pero per debaxo del estragal del 66,7% (esto ye, los dos tercios) que dexaríen modificar la constitución y d'entós gobierna ininterrumpidamnete el país, primero con Nelson Mandela, dempués con Thabo Mbeki, y socesivamente con Kgalema Motlanthe. La Comisión pola Verdá y la Reconciliación, instituyida nel 1995, ocupóse d'axuntar testimonios sobre les violaciones de los derechos humanos y concedió l'amnistía a quién confesara bonalmente y dafechu los crímenes cometíos a les órdenes del gobiernu.
El Sudáfrica post-apartheid, añadiendo nueve llingües africanes, llevó'l total de los idiomes oficiales a once. Otru xestu del nuevu gobiernu foi l'abatimientu del arsenal sudafricano.
L'aniversariu de les eleiciones del 27 d'abril celébrase como un día festivu pal Sudáfrica, conocíu como Fiesta de la Llibertá.
El Sudáfrica del post-apartheid editar
Importante: Esta páxina ye sospechosa de nun respetar la neutralidá nel puntu de vista. Esti avisu nun ha quitase hasta que s'esclarie na páxina d'alderique la supuesta falta de neutralidá. |
Les condiciones de vida pa los negros, sicasí, siguen siendo bien difíciles. El gobiernu sudafricano tuvo qu'aceptar les polítiques neolliberales del Fondu Monetariu Internacional: fíxose cargu de pagar la delda internacional creada polos precedentes gobiernos, tamién privatizando munches empreses nacionales. Los servicios sociales (agua, educación, salú) nun son reconocíos a toos. Nes periferies urbanes los probes nun son inda ciudadanos a tolos efeutos.
Referencies editar
- ↑ «Día de la Solidaridá colos Presos Políticos de Sudáfrica». Archiváu dende l'orixinal, el 27 de febreru de 2011. Organización de les Naciones Xuníes
Ver tamién editar
Enllaces esternos editar
Ye obligatoriu indicar l'idioma de Wikisource.
- Sitiu Oficial del Día de la Solidaridá colos Presos Políticos de Sudáfrica
- Comité pa la Eliminación de la Discriminación Racial. Organización de les Naciones Xuníes
- Convención Internacional sobre la Eliminación de toles Formes de Discriminación Racial
Datos: Q5495113
