Dacia (provincia romana)

	provincia romana
Alministración
Capital	Ulpia Traiana Sarmizegetusa (es)
Llingües oficiales	llatín
Xeografía
Coordenaes	45°42′N 26°30′E / 45.7°N 26.5°E

Dacia^[1], na Antigüedá, yera'l país de los dacios -nomaos tamién Xetas-, taba bordiada pelos Cárpatos nel norte, el ríu Danubiu nel sur; el ríu Tisza nel oeste; y pal este por ríu Nistru. Lo que correspuende, a grosso modo, cola actual Rumanía. Los habitantes yeren parte del enxeme cultural traciu y el so nome foi un exonome dau polos romanos que-ys llamaron dacios; los griegos nomáron-ys Xetas.

Cultura editar

Los dacios tenían un altu nivel cultural cuando contautarun colos romanos. La so creyencia basábase na inmortalidá de l'ánima, considerando la muerte como daqué habitual y necesariu. El ritual xiraba alrodiu del sacerdote que yera la máxima figura como representante del dios supremu, Zamolxis na Tierra. Yera una sociedá dividida en dos clases: aristocracia, con privilexos y que se creyen son los precedentes de los boyardos rumanos; y el proletariáu. Orixinalmente vivían n'aldees circulares con empalizaes de madera, por embargu col contautu romanu emprincipiarán a construyir fortaleces con torres cóniques de piedra. La so economía centrábase na agricultura y na ganadería. Tamién conocíen les esplotaciones auríferes y arxentíferes; asina como'l comerciu esterior que pola numismática sabemos foi pergrande.

Roma editar

La conquista por Roma escomienza nel 89 e.C., llegando a un alcuerdu pol que los dacios pagarán a Domicianu un tributu cadañeru pero siguirán siendo independientes. Nun ye hasta Trayanu nel 106 d.C. que se toma tola Dacia y se convierte en provincia romana. La provincia taba constituyida por Transilvania y Oltenia; yera dirixida por un gobernador pretorianu. La Legio XIII Gemina taba asitada en Dacia de continuu pa protexer a los colonos romanos de les guerres colos dacios. Fundáronse delles ciudaes qu'inda perviven como Apulum (Alba Iulia, Napoca (Cluj-Napoca) y Potaissa Turda. Los dacios, al igual que los otros pueblos conquistaos por Roma, sufrieron un procesu d'aculturización relixosa y tamién llingüística; lo que llevó a qu'anguaño se fale una llingua románica como'l rumanu nuna zona eslava.

Nel 129, Adrianu, dividío la Dacia en Dacia Superior (Transilvania) y Dacia Inferior (Oltenia o Valaquia). Por embargo, Marcu Aureliu tornó a dividila en tres: Porolissensis, Apulensis y Malvensis, masque las tres formaban un enxame con capital n'Ulpia Traiana (Sarmizegetusa) con un aconceyamientu común. Anque militarmente fueren provincies independientes unes d'otres.

Tres las invasiones godes de la provincia nel 270 Aurelianu decide dexar la provincia y tresllada les tropes y colonos a la provincia de Mesia, al sur del Danubiu onde crea la Dacia Aureliana. Esta volvería a dividise en Dacia Ripuaria y Dacia Mediterránea -capital en Sofía-. Si qu'asina esta cabera foi otra vegada dividía en Dardania y en Dacia Mediterránea hasta l'intre nel que pasa a formar parte del Imperiu Romanu d'Oriente.

Referencies editar

↑ Esti términu apaez nel Diccionariu de l'Academia de la Llingua Asturiana. Ver: daciu

Enllaces esternos editar

[1] Esti términu apaez nel Diccionariu de l'Academia de la Llingua Asturiana. Ver: daciu

[1]