Damavand

Damavand
	دماوند (fa)
	monte, estratovolcán, atraición turística y punto de referencia (es)
Situación
País	Irán
Provincia	Mazandarán
Condado (es)	Amol County (en)
Cordal	Montes Elburz
Montes	Siete Cumbres Volcánicas (es)
Coordenaes	35°57′19″N 52°06′33″E / 35.9553°N 52.1092°E
	Damavand Damavand (Irán)
Datos
Altitú	5610 m
Prominencia	4667 m
Fechos importantes
Primer ascensu	1837 -

El monte Damāvand o Donbavand ( [dæmävænd] (?·i) en persa: دماوند ) ye un estratovolcán durmiente de 5.610 metros d'altor,^[2] que marca'l puntu más altu del cordal de los montes Elburz. Asitiáu en Irán, ye tamién el mayor altor d'Oriente Mediu y el volcán más altu d'Asia. Ta asitiáu a unos 50 quilómetros al nordeste de la ciudá d'Amol en Māzandarān, y cercanu tamién a la mariña sur del mar Caspiu. Anque nun tien actividá volcánica, esisten delles fumaroles cerca del cráter del cume que depositen azufre, y qu'apocayá s'amosaron actives el 6 de xunetu de 2007.^[3]

Altitú

L'altor de 5.610 metros ye la qu'apurre'l Centru Estadísticu d'Irán,^[2] un datu que ye consistente colos datos de SRTM. Una midida GPS de 2007 reportó un altor llixeramente mayor de 5.623 metros,^[4] pero tamién otorgaba -17 metros pal cercanu mar Caspiu, a pesar de que l'altor aceptáu d'esti mar ye de -28 metros, introduciendo asina una llixera imprecisión nes midíes GPS d'esta zona. Una cifra más antigua, 5.671 metros, nun ye consistente coles fontes anteriores y nun hai nenguna evidencia de que tea basada en nenguna midida moderna, anque inda ye l'altor más frecuentemente amosada n'Internet.^[3]

Mitoloxía

Esti monte ta bien presente na mitoloxía persa, por cuenta del so pimpanu aspeutu y a que ta asitiáu nel corazón de la zona na que dende siempres vivió'l pueblu iranín. Dende él llanzó Arash l'arqueru la flecha que delimitó la frontera d'Irán col pueblu turaní, y nél foi derrotáu Azhi Dahaka Zahhak el dragón a manes de Kaveh el ferreru y de Fereydun.

El primer versu del famosu poema de Mohammad Taqī Bahār, Damavand diz:

ای دیو سپید پای در بند
Ai dīve sepīde pāī dar band,
Oh demoniu blancu colos pies en cadenes

ای گنبد گیتی ای دماوند
Ai gonbade gītī, ai Damāvand
Oh cúpula terrestre, oh monte Damavand

Rutes

Llocalización del monte Damavand en Mazandarán.

Hai siquier 16 rutes conocíes al cume,^[5] que tienen dificultaes distintes. Dalgunes son bien peligroses y ye necesariu esguilar na roca. La ruta más popular ye la Ruta Sur, que dispón d'un campamentu a los 4.220 metros. La ruta más llarga atopar nel noroeste y precísense dos díes enteros pa llegar al cume, empezando del pueblu de Nāndal y pasando una nueche a Takht-y Fereydoun (4300 metros). La ruta del oeste ye famosa pola so vista de la puesta de sol.

Galería

Monte Damavand.
Vista aérea.
Monte Damavand dende la Pandu iranín.
Cume pel branu.
Monte nun atapecer.

Referencies

↑ «peakbagger.com». Consultáu'l 23 agostu 2021.
↑ ^2,0 ^2,1 Statistical Centre of Iran. «Land and Climate» (inglés). Archiváu dende l'orixinal, el 14 de payares de 2009. Consultáu'l 28 de febreru de 2010.
↑ ^3,0 ^3,1 «Volcanic hole» (inglés). Consultáu'l 1 de marzu de 2008.
↑ «Damavand Trip Report, August 10 - August 18, 2007» (inglés). Consultáu'l 28 de febreru de 2010.
↑ Rutes d'ascensu al Monte Damavand

Enllaces esternos

[381d65c3dc53443174e657b7b6e1af735d6f9340-1] «peakbagger.com». Consultáu'l 23 agostu 2021.

[SCI-2] 2,0 ^2,1 Statistical Centre of Iran. «Land and Climate» (inglés). Archiváu dende l'orixinal, el 14 de payares de 2009. Consultáu'l 28 de febreru de 2010.

[SP-3] 3,0 ^3,1 «Volcanic hole» (inglés). Consultáu'l 1 de marzu de 2008.

[4] «Damavand Trip Report, August 10 - August 18, 2007» (inglés). Consultáu'l 28 de febreru de 2010.

[5] Rutes d'ascensu al Monte Damavand

[2]

[3]

[1]

[4]

[5]