Danza Prima

La Danza Prima ye una danza esclusiva d'Asturies, que munchos estudiosos apunten que ye d'orixe celtigu pola forma del baille y so antiguedá. Trátase d'una danza coleutiva na que les persones ellí presentes formen un gran corru baillando al son de la música , con un pasu mui cenciellu, un pasín alantre y otru atrás, moviéndose nel sen contrariu a les manes del reló, siempre con gran solemnidá. Hai munches dances primes n'Asturies anque les más importantes pola gran tradición son cuatru. Estes cuatru tienen llugar en distintos conceyos asturianos, y denominanse col nome del santu o santa del día en que se celebra so onomástica y son la de San Xuan (Mieres del Camín), San Pedro,Santa Ana y Carmen. En ocasiones tamién se danza el día de San Agustín llamándose por tanto Danza de San Agustín (Avilés).