Wikipedia

Darío de Regoyos

pintor asturianu (1857–1913)

Darío de Regoyos y Valdés (1 de payares de 1857, Ribeseya – 29 d'ochobre de 1913, Barcelona) foi un pintor impresionista.

Darío de Regoyos
Vida
Nacimientu Ribeseya[1], 1 de payares de 1857[2]
Nacionalidá España
Muerte Barcelona[3], 29 d'ochobre de 1913[2] (55 años)
Causa de la muerte cáncanu
Familia
Padre Darío de Regoyos y Molenillo
Estudios
Estudios Academia Real de Bellas Artes de Bruselas (es) Traducir
Carlos de Haes
Real Academia de Belles Artes de San Fernando
Joseph Quinaux
Llingües falaes castellanu[4]
Oficiu pintor, artista visual
Llugares de trabayu Países Baxos
Miembru de Los XX (es) Traducir
L'Essor (en) Traducir
Movimientu Impresionismu
puntillismo (es) Traducir[7]
Pintura simbolista (es) Traducir[8]
Cambiar los datos en Wikidata

Fíu del arquiteutu vallisoletanu Darío Regoyos Molenillo, y de la xixonesa Benita Valdés y Sieres, treslladóse na so mocedá a vivir a Madrid. Entró na Academia de Belles Artes de San Fernando en 1878. Ellí foi alumnu del belxicanu Carlos de Haes onde se formó como paisaxista y participó'l restu de la so vida nos grupos vanguardistes belxicanos.

Invitáu polos sos amigos Enrique Fernández Arbós y Isaac Albéniz y siguiendo'l conseyu de Carlos de Haes, Regoyos visitó Bruxeles en 1879. Matriculóse na École Royale des Beaux-Arts.

N'años posteriores (ente 1881 y 1893) compaxinó estancies en Bélxica con visites pela xeografía española. Participó na fundación de varios círculos artísticos como L'Essor o Les Vingts (o seya, Los Venti). Desendolcó esposiciones, conciertos y tou tipu d'actividades culturales col oxetivu de desenrollar l'arte moderno en Bélxica. Acompañó a Emile Verhaeren nel so viaxe per España, recoyendo apuntes de paisaxes y tipos populares. Igualmente foi l'editor del llibru que Verhaeren escribió sobre La España Negra, que foi'l que fizo que los intelectuales estranxeros se formaren una idea romántica y pesimista d'un país que desconocíen dafecho.

Demientres esta dómina, la pintura de Regoyos evolucionó del naturalismu al pre-simbolismu de la so serie La España negra, y finalmente, yá na so madurez, movióse nun estilu próximu al impresionismu , dientro de la escuela del puntillismu, con un coloríu vivu y lluminosu, nel que pintó paisaxes de la España atlántica. Esta última etapa ye la más valoratible de la so creación artística.

Regoyos morrió en Barcelona, el 29 d'ochobre de 1913, víctima d'un cáncanu.

Referencies

editar
  1. ↑ Afirmao en: Gemeinsame Normdatei. Data de consulta: 21 avientu 2014. Llingua de la obra o nome: alemán. Autor: Biblioteca Nacional d'Alemaña.
  2. ↑ 2,0 2,1 Afirmao en: Gemeinsame Normdatei. Identificador GND: 11935909X. Data de consulta: 15 ochobre 2015. Llingua de la obra o nome: alemán. Autor: Biblioteca Nacional d'Alemaña.
  3. ↑ Afirmao en: Gemeinsame Normdatei. Data de consulta: 31 avientu 2014. Llingua de la obra o nome: alemán. Autor: Biblioteca Nacional d'Alemaña.
  4. ↑ Afirmao en: autoridaes BNF. Identificador BnF: 12062477v. Data de consulta: 10 ochobre 2015. Autor: Biblioteca Nacional de Francia. Llingua de la obra o nome: francés.
  5. ↑ URL de la referencia: https://es.wikipedia.org/wiki/Los_XX.
  6. ↑ URL de la referencia: https://www.wikidata.org/wiki/Help:Property_constraints_portal/Format/es.
  7. ↑ URL de la referencia: https://es.wikipedia.org/wiki/Puntillismo.
  8. ↑ URL de la referencia: https://es.wikipedia.org/wiki/Pintura_simbolista.

Enllaces esternos

editar
Sacáu de «https://ast.wikipedia.org/w/index.php?title=Darío_de_Regoyos&oldid=3899120»