DarkSun
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
DarkSun ye una banda asturiana de power metal apareyada'n 2002 llueu del xebramientu de Nörthwind, la banda llanció dende aquella 5 álbumes de estudiu y una versión n'inglés. DarkSun citen a Blind Guardian, Helloween, Angra, y Rage como les sos más grandes e importantes influyencies.
| DarkSun | ||
|---|---|---|
 | ||
| Orixe | España | |
| Xéneru(os) | heavy metal | |
| Miembros | ||
| Rafael Yugueros | ||
| Enllaces esternos | ||
| Sitiu web oficial | http://www.darksunweb.com | |
| Discogs | 1299912 | |
| [editar datos en Wikidata] | ||
Historia editar
Llueu del xebramientu de la banda de power metal Nörthwind, los guitarristes Tino Hevia y Daniel González y la teclista Helena Pinto entamaren DarkSun. La banda axuntó al baxista Pedro Junquera y al batería Daniel Cabal, que ya hubiere trabayáo'n Relative Silence xunta Helena Pinto. DarkSun grabó entós un álbume llueu d'algamar una formación estable. Metanes 2003, DarkSun foi a Alemaña a grabar lo que sería'l so álbume debú. Grabóse nos VPS Studios, producíu por Ingo Cjavkoski (conocíu por ser el productor de Rage) y mezáu'n House of Music Studios por Achim Köhler (mezador que trabaxare pa bandes como Primal Fear y Sinner). El Legado foi'l Nome del álbume llanciáu'n xunetu de 2004. Les crítiques profesionales fueren increyíblemente bones diciendo que El Legado yera ún de los meyores álbumes de metal n'español de tou l'añu. DarkSun dio una xira per toda España mientres un añu nel que llenó n'abondos conciertos. Les crítiques espeyaron que como banda en direuto yera realmente bona. En medio la xira, el batería Daniel Cabal dexó la banda y cancelárense dellos conciertos hasta'l cambéu de Cabal pol batería Rafael Yugueros que desa yera conocíu pol so trabayu na banda de power metal Darna. La teclista Helena Pint dexó la banda no cabero de 2004.
N'acabando la xira, la banda entró nos estudios a grabar el nuevu álbume. En metada la composición, igües y producción del álbume, la banda reemplazó a Helena Pinto, pol teclista Víctor Fernández. L'álbume foi grabáu n'Alemaña y producíu por Ingo Cjavkoski. Nesta vegada la banda tuvo a Dennis Ward na meza (quien trabajare enantes pa bandes como Angra) y Lars Ratz (de Metalium). Peavy Wagner (de Rage) grabó la voz nun cantar que foi llanciáu como bonus track nel álbume, nomáu "Prisoners of Fate". La banda llanció una versión n'inglés del álbume El Lado Oscuro, nomada The Dark Side en setiembre de 2007 a traviés de FC Metal Recordings. Les crítiques fueren tan bones como na versión orixinal en castellanu. La banda collaboró nel álbume de Rage Speak of the Dead con una versión en castellanu del cantar "Full Moon", nomada "La Luna Reine", que apaeció como bonus track. Llueu del llanciamientu de The Dark Side Rafael Yugueros dexa DarkSun para ser parte de la banda de power metal WarCry, reemplazando al batería Alberto Ardines. Yugueros ya hubiere trabayao en WarCry na so demo llanciada nel '97 Demon 97.
La banda acoyó de nuevu a Daniel Cabal quien trabayó no que sería'l tercer álbume de la banda. El teclista Víctor Fernández fóise'n 2007 siendo reemplazáu por Ana Fernández, quien hubiere trabayao antaño para la banda Stormrider. Nel branu de 2008 DarkSun anunció que Daniel Cabal díbase, y nel mesmu anunciu la banda presentó al nuevu batería José Ojeda, quen trabayare enantes pa bandes españoles como Rivendel Lords y Killian, ente otres. El tercer álbume de la banda (sin incluyir la versión n'inglés) foi producíu pol vocalista Daniel González. L'álbume foi llamáu Libera Me y llanciáu en setiembre de 2008. "Miedo" foi'l primer cenciellu del álbume tamién llanciáu como videu clip, dirixíu y producíu por Jacinto Hinojal. La cara l'álbume foi confecha por Daniel Alonso, quien tamién hubiere confecho portaes para grupos como WarCry, Hard Spirit, ente otros.
Miembros editar
- Dani González - voz (y guitarrista nos 2 primeros álbumes más la versión n'inglés.)
- Tino Hevia - guitarra
- David Figueiras - guitarra
- Adrian Huelga - baxu
Ex miembros editar
- Rafael Yugueros - batería
- Daniel Cabal - batería
- Helena Pinto - tecláu
- Víctor Fernández - tecláu
- Pedro Junquera - baxu
- Ana Fernández - tecláu
Discografía editar
- El Legado (2004)
- El Lado Oscuro (2006)
- The Dark Side (2007)
- Libera Me (2008)
- Tocar el Sol (2010)
- Memento Mori (2012)
- Crónicas de Araván (2016)
- Chronicles of Aravan (2016)
Ver tamién editar
Referencies editar
Enllaces esternos editar
Datos: Q2572153
