David Rionda

David Rionda
Vida
Nacimientu	Uviéu, 15 de febreru de 1981 (43 años)
Nacionalidá	España
Estudios
Llingües falaes	castellanu
Oficiu	comediante en direuto

David Rionda (15 de febreru de 1981, Uviéu) ye presentador, guionista, periodista radiofónicu y dibuxante d'humor. Dirixe y presenta'l programa espertador Desayuno con Liantes na Radio del Principáu d'Asturies.

Biografía

Empieza la so carrera en Radio Vetusta, emisora municipal d'Uviéu, presentando los servicios informativos de la cadena y el programa Las Mañanas de Vetusta. En TeleAsturias exerz el llabor de redactor de noticies y programes y, más tarde, trabayaría pa la Televisión del Principáu d'Asturies, como corresponsal d'informativos y reporteru.

En 2006 incorpórase a la Radio del Principáu d'Asturies como presentador musical. Dos años dempués faise cargu del programa mañaneru Mediodía RPA, en 2009 llogra una candidatura al Premiu Ondas y empieza a participar en distintos eventos d'ámbitu nacional como monologuista de Stand-up comedy. En 2010 coordina, guioniza y presenta'l magacín mañaneru de cuatro hores y media Mediodía Entero xunto a Rubén Morillo.

A primeros de 2011 resulta finalista con mención d'honor del I Concurso Nacional de Monólogos de Actualidad del programa El hormiguero ente 700 aspirantes y con un xuráu compuestu por: Pablo Motos, Jorge Salvador, Laura Lopis, Juan Ibañez, Damián Mollá y Jorge Marrón.

En febreru de 2012 vuelve de manera eventual a la Radio del Principáu d'Asturies pa presentar 10 Corsarios, programa especial basáu nun espectáculu cultural itinerante que lu lleva de xira xunto al músicu Alfredo González y l'escritor Tito Montero.

En 2013 y 2014 trabaya pa RTPA como creativu d'autu promociones, soníu corporativu y llocutor publicitariu formando parte del equipu creativu Jaseljof. Produz el curtiumetraxe de Tito Montero Fracciones y Proporcionalidad, ganador del Día d'Asturies del Festival de cine de Xixón, y entama y presenta el Festival cultural Nube Fest xunto a Bárbara Munárriz nel Teatru Filarmónica d'Uviéu. Coles mesmes imparte talleres de radiu pa mozos na Universidá Llaboral de Xixón.

En 2015 torna a la Radio del Principáu d'Asturies pa presentar el programa espertador de fin de selmana Desayuno con Liantes, llabor que compaxina como moderador de la conxusta deportiva "El Banquillo".

En 2016 funda la productora audiovisual Amarok xunto a Rubén Morillo. Rediseña el soníu corporativu de RPA aprovechando la nueva programación de la cadena de la que sigue al frente del programa Desayuno con Liantes, que pasa a ser emitíu diariamente. Vuelve faer monólogos colos grupos de cómicos asturianos Asturies Comedy Club y Ástur Comedy.

En 2017 y 2018 collabora como redactor y guionista nos programes de TPA "OP Siglo XXI" y "Escuela de Pastores". Tamién copresenta los programes "De hoy no pasa" y "Cazatalentos".

Intervieno en dellos curtiumetraxes aportando a nomáu a Meyor actor nel 7ᵘ Festival de cine asturianu de Madrid. Tamién foi nomáu a los III Premios Gava del audiovisual asturianu por "Desayuno con Liantes" (Meyor programa de radio).

Programes de radio

Las Mañanes de Vetusta (2005)
Toda una vida (2006)
Música y Noticias en RPA (2006 - 2007)
Mediodía RPA (2008)
Mediodía Entero (2009 - 2010)
10 Corsarios (2012)
Desayuno con Liantes (2015 - 2018)

Programes de televisión

Redacción TeleAsturias (2006)
Aquí hablamos todos (2006)
TPA Noticias (2006)
Los Colores de las Cuencas (2011)
Informativos CMTV (2011)
El Banquillo (2014 - 2015)
Señor R (2014)
Operación K - chopu (2015)
OP Siglo XXI (2017 - 2018)
Escuela de Pastores (2017)
De hoy no pasa (2017)
Cazatalentos (2018)

Programes d'internet

Buenos días, Kathanga (2011)
A Rionda suelta (2012 - 2013)

Curtiumetraxes

Payasina 3: Dirixíu por Miguel Ángel Muñiz.
Fracciones y Proporcionalidad: Dirixíu por Tito Montero.
Laia: Dirixíu por Álvaro Núñez.
Katzenjammer: Dirixíu por Álvaro Núñez.
La Fuga de Mino: Dirixíu por Pablo de María Díaz.
Suecia: Dirixíu por Lidia de Dios López.
El mormón siempres llama dos veces: Dirixíu por Rodrigo Medina.
Cuando se pierde: Dirixíu por Carla García.
El Escogido: Dirixíu por Tito Montero
Duets-El preciu de la fama: Dirixíu por Tito Montero.
Un mosto, por favor: Dirixíu por Pablo de María Díaz.

Referencies

David Rionda ye nomáu a Meyor actor nel Festival de cine asturianu
hormiguero/posts/ganador-del-i-concurso-de-monologos-del-el hormiguero-2011.html David Rionda resulta finalista del I Concursu de Monólogos de "El Hormiguero"
DUETS-El precio de la fama es escogido por el FIC de Xixón
DUETS-El precio de la fama es escogido por el Festival "Cambio y Corto"
festival-bocanegra/1338618.html Premiu Especial del Públicu "Bocanegra 2012" pa DUETS-El preciu de la fama (enllaz rotu disponible n'Internet Archive; ver l'historial y la última versión).
Blogue de 10 Corsarios Archiváu 2013-08-18 en Wayback Machine