Delap-Uliga-Djarrit

Delap-Uliga-Djarrit ye la capital de les Islles Márxal. Ye tamién conocida poles sigles DUD (pronunciándolo n'inglés como di-yu-di). Tien una población de 27.797 habitantes (2011). La ciudá allúgase nel atolón Mayuru, perteneciente al distritu llexislativu de la cadena Ratak.

Delap-Uliga-Djarrit
Alministración
Protectoráu	Nueva Guinea Alemana
País	Islles Márxal
Atolón	Mayuru
Tipu d'entidá	asentamientu humanu
Xeografía
Coordenaes	7°07′N 171°22′E
Delap-Uliga-Djarrit Delap-Uliga-Djarrit (Islles Márxal)
Demografía

Nome

El nome débese a la xunión de tres entidaes menores:

• Djarrit (o Darrit): ye l'allugada más al norte.

• Uliga: amesta Djarrit al norte y Delap al suroccidente.

• Delap: ye l'estremu suroccidental de DUD. Nél atópase l'Aeropuertu Internacional d'Islles Márxal Amata Kabua.

Infraestructures

Na ciudá allúguense varios servicios sociales, como hospital, puertu, aeropuertu, distritu comercial, farmacies, gasolineres, hoteles, oficina de correos, museos, delles escueles d'Educación Primara y Secundaria, la Universidá del Pacíficu Sur (University of South Pacific), etc. Como elementu integrador de DUD, una carretera d'unos 50 km percuérrela d'estremu a estremu hasta aportar a la islla de Laura.

Destaca en DUD la presencia de les instituciones que rixen el gobiernu de les Islles Márxal, col Parllamentu, el Bancu Nacional, un Centru de Convenciones Internacionales, etc.

Economía

Delap-Uliga-Darrit ye’l centru económicu de les Islles Márxal. El sector primariu ye práuticamente inesistente por mor de la superpoblación del atolón. El sector secundariu encóntiase principalmente pola planta de procesamientu de copra. El sector terciariu ye’l más desendolcáu con hoteles, restaurantes y cais comerciales.

Enllaces esternos

• Wikimedia Commons acueye conteníu multimedia sobre Delap-Uliga-Djarrit.

• Datos: Q648507
• Multimedia: Majuro