Demografía d'Angola

En 2007, Angola tien una población de 12.263.596 habitantes. La esperanza de vida ye de 37 años. Angola tien seis grupos étnicos bien definíos, dende'l puntu de vista llingüísticu, falantes toos de la llingua bantú: ovimbundu 37%, kimbundu 25%, bakongu 13%, tucokwe 13%, vangangela 9%, vanyaneka 5%. Cuando se considera'l puntu de vista del númberu de falantes, ye la llingua Umbundu la que sobresal. Lo más importante ye que tolos falantes quieren defender la so cultura calteniendo les sos llingües. Anguaño les llingües bantú d'Angola tienen munchu valor cola creación de la Facultá de lletres y ciencies sociales, bien específicamente col departamentu de Lletres onde hai los cursos de llingües y cultures con un acentu sobre Llingües y lliteratures africanes. Amás, una raza mista (ente europeos y africanos) xuben a un 2%, una pequeña población de blancos 1%, d'ascendencia portuguesa y holandesa. Portugueses representen la población más grande d'orixe non angolanu, con cerca de 30.000 persones (polo que los nativos nacíos n'Angola pueden reclamar pola so nacionalidá conforme a la llei portuguesa). El portugués ye llingua oficial. La segunda llingua d'orixe européu n'Angola ye l'español, que constitúi un 4,34% na provincia de Moxico. El permediu de fíos per muyer ye de 6,27, una de les tases más altes del mundu, lo cual ta provocando un aumentu poblacional nunca visto na hestoria d'esti país, con consecuencies mesmo económiques qu'ambientales.