Abrir el menú principal

Dependencia de la Corona británica

Localización de la isla de Man y les islles de Xerséi y Guernsey
British Crown Dependencies.svg

Una Dependencia de la Corona británica (Crown Dependency, n'inglés), ye un territoriu semi-independiente que ta so la soberanía de Corona británica. Nun pertenecen al Reinu Xuníu de Gran Bretaña ya Irlanda del Norte nin formen parte de la Xunión Europea, anque sí caltienen una rellación especial con ella.

El Reinu Xuníu encargase de la defensa, la representación internacional, y éstos rellaciónense al traviés del Monarca del Reinu Xuníu. El parllamentu británicu acútase'l derechu a llexislar sobre asuntos comunes (como nel casu de les regulaciones de televisión, por casu) y fazlo en nome del Monarca del Reinu Xuníu. Esti derechu puede exercese inclusive en contra de la voluntá de los territorios, anque magar se procura llegar a un alcuerdu coles instituciones de los territorios, puede dase a traviés de los órganos xurídicos del Reinu Xuníu.

Hasta 2001 los asuntos referentes a les Dependencies nel Gobiernu británicu llevabalos el Home Office o Ministeriu del Interior; agora realícense al traviés del Departamentu de la Cancillería (Lord's Chancellor Office). El grau d'autonomía ye inclusive más eleváu qu'el que pueda tener un estáu dientro d'una federación. Les Dependencies de la Corona tienen monedes, matrícules, servicios postales, etc., propios. Alderney, Guernsey, Xerséi, Sark y Herm, formen parte de les Islles de la Canal de la Mancha. La Islla de Man alcuéntrase nel mar d'Irlanda ente Gran Bretaña ya Irlanda.

Llista de dependencies de la coronaEditar

Bandera Escudu DD. CC. Población Superficie Capital Idiomes oficiales
    Islla de Man (ente Reinu Xuníu ya Irlanda) 84.655 hab. (2012 est.) 572 km² Douglas inglés; manés
    Bailía de Xerséi (cerca de Francia) 97.857 hab. (2011) 119,49 km² Saint Helier inglés; francés
    Bailía de Guernsey (cerca de Francia) 62.915 hab. (2011) 63 km² Saint Peter Port inglés; francés

Ver tamiénEditar