Documanía
Documanía foi una canal de televisión de pagu qu'emitió n'España ente 1993 y marzu de 2007. La so programación taba centrada na emisión de documentales.
| Documanía | |
|---|---|
| canal de televisión | |
| Historia | |
| Fundación | 1993 |
| Disolución | 1r abril 2007 |
| Organigrama | |
| Dueñu | Sogecable |
 | |
Historia
editarDocumanía comenzó les sos emisiones oficiales el 1 de marzu de 1993 xunto con Cinemanía, anque les sos emisiones en pruebe entamaron dalgún meses antes pel satélite Astra.[1]
Nes entamos, tanto la so señal como la de Cinemanía llegaben dende Luxemburgu yá que por cuestiones llegales nun teníen permitíu espublizar les señales dende el territoriu español y viéronse obligaos a sortear les ondes del espaciu radioeléctricu. A eses canales xuniéronse a final de 1993 Cineclassics y Minimax. En 1994 creóse la plataforma Canal Satélite qu'arrexuntó toes estes canales.[2]
Final de Documanía
editarNel 1 d'abril de 2007 y tres 15 años d'esistencia la canal desapaeció, integrando les sos conteníos na canal Odisea de la productora Chello Multicanal.[3]
Programación
editarLa canal tomaba les temes más diverses: natura, ecoloxía, ciencia, sociedá, arte, cultura, historia, aventura, actualidá y entretenimientu. Tenía alcuerdos con grandes productoras y distribuidores como BBC, Agencia CAPA, Films Transit o Survival. Nun principiu emitía 12 hores al día, pero pasó a emitir 24 hores al día en 1997.[4]
Estayes horaries
editar- Documentales de Oro: estaya onde se emitíen los meyores documentales del mercáu.
- Documanía Junior: documentales didáuticos orientaos al públicu infantil.
- Documanía Actualidad: documentales producíos por un equipu de corresponsales de la BBC venceyaos a la actualidá.
- Documanía Temáticas: trataba en fondura una tema en concretu p'analizala detalladamente.
- Doc’Amateur y Doc’ Español: apuesta de la canal onde se ofrecíen les meyores producciones españolas.
Disponibilidá
editarDocumanía y Cinemania fueron los primeros canales temátiques de pagu per satélite d'España, emitíos pel satélite Astra. Formó parte dende'l primer día de la plataforma analóxica Canal Satélite de Sogecable (trés años más tarde Canal Satélite Dixital). En Canal Satélite Dixital podía contratase dende'l paquete básicu.
Referencies
editar- ↑ Les canales por satélite Cinemanía y Documanía comienzan hoy sus emisiones El País (edición impresa), 1 de marzu de 1993
- ↑ Pioneros de la televisión temática El País (edición impresa), 2 de marzu de 2003
- ↑ Odisea y Documanía se fusionan para crear el mayor canal de documentales español FormulaTV, 15 de marzu de 2007
- ↑ Amplia oferta documental en la TV Temática. Pasión por descubrir. Cable & Satélite tv, 2 de marzu de 2005
Enllaces esternos
editar
Datos: Q16492049
