Don Alvarado

actor de cine estauxunidense (1904–1967)
Don Alvarado

Don Alvarado (4  de payares de 1904Albuquerque - 31  de marzu de 1967Hollywood), foi un actor de cine y productor de cine estauxunidense.

Don Alvarado35mm film frames.svg
Don Alvarado in I Live For Love.jpg
Vida
Nacimientu

Albuquerque4  de payares de 1904

[1]
Nacionalidá Bandera de Estaos Xuníos d'América Estaos Xuníos
Muerte

Hollywood31  de marzu de 1967

[1] (62 años)
Sepultura Forest Lawn Memorial Park
Causa de la muerte cáncanu
Familia
Fíos/es
Oficiu
Oficiu actor de cineproductor de cine
IMDb nm0023147
Cambiar los datos en Wikidata

BiografíaEditar

El so verdaderu nome yera José Paige, y nació en Albuquerque, Nuevu Méxicu. En 1922 treslladóse a Los Angeles, California, a la busca de trabayu na industria del cine mudu. Ellí fixo amistá con otru actor d'orixe mexicanu, Luis Antonio Dámaso d'Alonso, más palantre conocíu como Gilbert Roland.

Los mozos actores compartieron vivienda mientres un tiempu, pero Alvarado llueu se namoró de Ann Boyar (1908–1990), de dieciséis años y fía d'inmigrantes xudíos rusos, cola que se casó en 1924. Esi mesmu añu tuvieron una fía, la futura actriz Joy Page. Sicasí, Jack Warner convenció a Boyar por que consiguiera un rápidu divorciu de Alvarado en Méxicu n'agostu de 1932.[2][3] Ella foi con Warner escontra setiembre de 1933, casándose con él en 1936. En 1932, Alvarado tuvo una curtia rellación sentimental cola estrella de la comedia musical Marilyn Miller, pero la pareya nun llegó a casase.

Alvarado consiguió'l so primer papel ensin acreitar nel cine mudu en 1924 y, col estudiu aprovechando'l so aspeutu de "Latin Lover", rápido llogró papeles secundarios y, pocu más palantre, primeros papeles. La llegada del cine sonoru dio términu a les sos actuaciones protagonistes, pero siguió trabayando de manera regular, usualmente escoyíu como actor de calter pa interpretar personaxes hispanos de repartu, tal que fixo nel filme de 1929 basáu na novela de Thornton Wilder The Bridge of San Luis Rei.

En 1939, utilizando nos creitos el nome de "Don Page", empezó a trabayar como ayudante de direición pa Warner Bros., y pocos años más tarde como direutor d'escena. Nestes actividaes formó parte del equipu que produció un bon númberu de filmes de gran ésitu, como foi'l casu de The Treasure of the Sierra Madre (1948), East of Eden (Al este del Edén) y Rebel Without a Cause (1955) y, en 1958, el so últimu trabayu cinematográficu, The Old Man and the Sea (El vieyu y el mar).

Don Alvarado finó por causa de un cáncer en 1967, a los 62 años d'edá, en Hollywood, California, y foi soterráu nel Campusantu Forest Lawn Memorial Park de Hollywood Hills, California.

Pola so contribución a la industria cinematográfico, Don Alvarado tien una estrella nel Paséu de la Fama de Hollywood, nel 6504 de Hollywood Boulevard.

ReferenciesEditar

  1. 1,0 1,1 Afirmao en: Find a Grave. Identificador Find a Grave: 13053. Apaez como: Don Alvarado. Data de consulta: 9 ochobre 2017. Llingua de la obra o nome: inglés.
  2. Gabler, Neal (1989). An Empire of Their Own: How the Jews Invented Hollywood. Doubleday. ISBN 0385265573.
  3. Thomas, Bob (1990). Clown Prince of Hollywood: The Antic Life and Times of Jack L. Warner. McGraw-Hill. ISBN 0070642591.

Enllaces esternosEditar