Dorothy Helen Rayner
Dorothy Helen Rayner (3 de febreru de 1912, Teddington (es) 
– 31 d'avientu de 2003, Leeds) foi una xeóloga británica que se convirtió nuna autoridá na estratigrafía de les Islles Britániques mientres trabayaba na Universidá de Leeds.[1] Foi gallardoniada cola prestixosa Medaya Lyell de la Sociedá Xeolóxica de Londres en 1975, poles sos contribuciones al campu.[2]
Dorothy Helen Rayner | |
|---|---|
| Vida | |
| Nacimientu |
Teddington (es) , 3 de febreru de 1912 |
| Nacionalidá |
 Reinu Xuníu |
| Muerte | Leeds, 31 d'avientu de 2003 (91 años) |
| Estudios | |
| Estudios |
Bedales School (es) Girton College |
| Llingües falaes | inglés |
| Oficiu | xeóloga |
| Emplegadores | Universidá de Leeds |
| Premios |
ver
|
 | |
Biografía editar
Rayner nació en Teddington, Middlesex, foi la segunda de los trés fíos de Edwin Rayner, figura principal del National Physical Laboratory, y la so esposa Agnes. Foi educada en Bedales School, depués llevó'l cursu de Ciencies Naturales nel Girton College de la Universidá de Cambridge, onde se graduó de llicenciatura en 1935. Realizó investigaciones sobre paleontoloxía de vertebraos de 1936 a 1938, principalmente en Cambridge, pero tamién nel University College London. Llogró'l so doctoráu de Cambridge en 1938.[1]
Aceptó un puestu de profesora nel departamentu de Xeoloxía de la Universidá de Leeds en 1939, que por cuenta de les esixencies de la guerra taba entendíu por solu trés persones. Enseñó estratigrafía y paleontoloxía dende entós hasta la década de 1960. Foi xubida a profesora titular a principios de los años sesenta. Dempués de la publicación de The Stratigraphy of the British Isles, foi reconocida como una autoridá principal nel campu y yera consultada con gran frecuencia n'asuntos de procedimientos estratigráficos. Rayner finalmente retiróse de la docencia en 1977, pasando tola so carrera en Leeds.[1]
Rayner tuvo estrechamente acomuñada cola Yorkshire Geological Society, como editora principal de Society's Proceedings de 1958 a 1968 y como presidenta de 1969 a 1970. Xunto con J. Y. Hemingway, foi coeditora del llibru The Geology and Mineral Resources de Yorkshire en 1974.[1] Foi escoyida Miembru d'Honorariu en 1974 y recibió la Medaya Sorby en 1977.[3] Tamién recibió la Medaya Clough de la Edinburgh Geological Society en 1973 y la Medaya Lyell de la Sociedá Xeolóxica de Londres en 1975. Amás foi miembru de la Geologists' Association mientres 66 años, de 1936 hasta la so muerte.[1]
Dempués de la so xubilación combinó'l so amor pola botánica coles sos habilidaes topográfiques pa crear mapes de distribución de plantes de Harlow Carr Gardens, cerca de Harrogate, pa la Royal Horticultural Society.[1]
Rayner morrió'l 31 d'avientu de 2003, dempués de sufrir un derrame cerebral na so casa en Leeds, West Yorkshire.
Referencies editar
- ↑ 1,0 1,1 1,2 1,3 1,4 1,5 Varker, W. John (2005). «Dorothy Helen Rayner (1912–2003)» (n'inglés). Proceedings of the Geologists' Association (Geologists' Association) 116 (1): páxs. 69–70. doi:. http://www.sciencedirect.com/science/article/pii/S0016787805800197/pdfft?md5=6439dd272b95d7bb3639y0c986cea056&pid=1-s2.0-S0016787805800197-main.pdf. Consultáu'l 15 de febreru de 2018.
- ↑ «Lyell Medal» (inglés). Consultáu'l 15 de febreru de 2018.
- ↑ «Society Distinctions and Awards» (inglés). Archiváu dende l'orixinal, el 29 d'abril de 2016. Consultáu'l 15 de febreru de 2018.
Enllaces esternos editar
Datos: Q26503450
