Duman

Duman
Datos xenerales
Orixe	Estambul
Información artística
Xéneru(os)	Rock; Grunge; Anatolian rock
Periodu d'actividá	1999 - anguaño
Sellu discográficu	NR1 Music, EMI, Sony BMG Music
Miembros
	Lista Kaan Tangöze (voces y guitarra secundaria); Batuhan Mutlugil (guitarra principal y coros); Ari Barokas (baxu y vocales);
Enllaces esternos
Sitiu web oficial	http://www.dumanlive.com y http://www.halimizduman.com
Discogs	642231
Facebook	OfficialDuman
Twitter	OfficialDuman
IMDb	nm1919091
	[editar datos en Wikidata]

Duman (Fumu en llingua asturiana) ye una banda turca de rock. El so estilu entemeza detáis del folclor turcu col rock modernu (xeneralmente grunge). Duman ta compuestu por Kaan Tangöze(vocales y guitarra rítmica), Batuhan Mutlugil (guitarra principal y coros) y Ari Barokas (baxu y coros).

Historia

Nos entamos de la década de los 90, Kaan Tangöze viviera na ciudá norteamericana de Seattle. Foi ellí u compuso'l so primer cantar pal grupu de rock turcu que fadría nel futuru, al mesmu tiempu nel que yera parte d'una banda nomada Mad Madame. Cuando tornara a Turquía, conociera a Batuhan Mutlugil ya Ari Barokas, los cualos pertenecíen a otru grupu de nome Blue Blues Band. Xuntos decidieren entamar una banda a la que nomaríen Duman. Llueu, tres d'un tiempu nel que guetaren un batería pa Duman, apautaren tocar con bateríes ensin banda. Trabayaren col batería Alen Konakoğlu por un llargu periodu hasta'l so caberu álbum.

Anguaño Duman tien espublizaos 11 álbumes, trés d'ellos direutos (Konser 2003, Rock'n Coke Konseri 2006 y Canlı 2011). Llanzaren el so primer álbum Eski Köprünün Altında nel añu 1999 y el so segundu, Belki Alışman Lazım, nel 2002. Dambos álbumes collecharen un bayurosu ésitu nel so país ya inspiraren a una nueva xeneración de bandes de rock turques. En 2004 espublizaríen el so tercer álbum, un discu en direutu nomáu Konser, el cualu sería grabáu en dellos escenarios na ciudá d'Estambul. El so cuartu álbum, tituláu Seni Kendime Sakladım, foi sacáu al mercáu nel 2005. En 2006 y 2008 asoleyen dos discos, un recopilatoriu (En Güzel Günüm Gecem 1999-2006) y un direutu (Rock'n Coke Konseri).

En 2009, Duman fichara por Sony BMG nos estudios de Grouse Lodge (Irlanda), au otros artistes del calter de Michael Jackson, R.E.M. o Muse teníen realizao les sos grabaciones. En 2011 espubliza un álbum en direutu Canlı(direuto n'asturianu) y en 2013 el so caberu discu, Darmaduman, au ta allugáu el cantar Eyvallah (Salú n'asturianu, usáu de mou irónicu), escritu y desendolcáu arriendes de les protestes de la Plaza Taksim d'Estambul de 2013, que se convetiría n'unu de los himnos del returde escontra les polítiques del gobiernu presidíu por Tayyip Erdoğan.

Discografía

Eski Köprünün Altında (1999)
Belki Alışman Lazım (2002)
Konser (2003)
Bu Akşam Konser DVD (2004)
Seni Kendime Sakladım (2005)
En Güzel Günüm Gecem 1999-2006 (2007)
Rock'N Coke Konseri (2008)
Duman I & II (2009)
Canlı (2011)
Darmaduman (2013)

Referencies

Enllaces esternos

Fansite Archiváu 2011-01-28 en Wayback Machine
Sitiu web oficial Archiváu 2021-06-08 en Wayback Machine
Fansite
USAsite Archiváu 2011-01-29 en Wayback Machine
Fansite Archiváu 2014-12-17 en Wayback Machine
Videu d'"Istanbul" del film de Fatih Akin 'Cruciando la ponte - Sintir d'Estambul
Fansite