Earth-Two

Earth-Two[1], Tierra-Dos n'asturianu, ye orixinalmente l'universu ficticiu onde asoceden les más de les hestorietes de DC Comics hasta mediaos de los años cincuenta del sieglu XX, anque l'universu sigue apaeciendo davezu hasta 1985. Esti mundu estrémase del real sobre manera pola esistencia de seres sobrehumanos, conocíos como superhéroes y supervillanos, que se vuelven bastante comunes poco primero d'entamar la Segunda Guerra Mundial.

Earth-Two
Multiverso DC (es) Traducir y shared planet (en) Traducir
RoyThomas11.14.08ByLuigiNovi.jpg
Web oficial
Cambiar los datos en Wikidata

Al aviesu de lo que puen indicar los nomes de los universos, munchos de los personaxes de Tierra-Dos son anteriores a los de Tierra-Ún. Dellos, como Superman, Batman y Wonder Woman son cuasi idénticos a les versiones posteriores, mientres qu'otros como The Flash, Green Lantern o Hawkman tiene identidaes, habilidaes y/o oríxenes distintos. En xeneral son más nomaes les versiones de Tierra-Ún qu'estes orixinales.

JLA: Earth 2 (2000)Editar

Esta novela gráfica del añu 2000 nun tien que ver col universu de Tierra-Dos, sinón que muestra una versión anovada de lo qu'hasta 1985 yera Tierra-Trés.

Earth 2 (2012-17)Editar

En 2012 creen una versión nueva de Tierra-Dos, escrito Tierra 2[2] pa estremala de la orixinal, y que ye onde trescurren la hestoria de la serie homónima[3] y dempués d'Earth 2: World's End[4] y Earth 2: Society.[5] Nelles apaecen versiones anovaes de los personaxes clásicos, anque allugaos nel sieglu XXI, asina como otros nuevos.

En televisión:Editar

Smallville:Editar

Na serie de televisión Smallville sal un universu alternativu nomáu Tierra-Dos, ensin rellación col universu del cómic y que tien más que ver con Tierra-Trés, talamente como la novela gráfica JLA: Earth 2. Nesti universu a Superman afiólu Lionel Luthor en cuenta del matrimoniu Kent, colo que se convierte nel villanu Ultraman.

Arrowverse:Editar

Nel conxuntu de series asitiaes nel Arrowverse sal una Tierra-Dos que tien elementos en común col de los cómics, como la esistencia de dalgunos personaxes o una estética y teunoloxía d'estilu art decó y dieselpunk que recuerda a los años cuarenta (cuando se dan les más de les hestories de los cómics).

Ver tamiénEditar

ReferenciesEditar

Enllaces esternosEditar