Economía de Rumanía
Rumanía, qu'ingresó na Xunión Europea'l 1 de xineru de 2007. Empezó la so transición del comunismu al capitalismu a fines de 1989. Naquella dómina cuntaba con una industria obsoleta y una producción insuficiente pa les necesidaes del país.[1]
| Economía de Rumanía | |
|---|---|
.svg) | |
| Moneda | Leu |
| Organizaciones comerciales de les que ye parte | OMC, Xunión Europea |
| Datos estadísticos[1] | |
| PIB nominal | 211 803 281 924,74 $ [2] |
| PIB nominal per cápita | 10 819 $ [3] |
| Posición del PIB | 46ª nel mundu[4] |
| Crecimientu del PIB | 4,8 % [5] |
| PIB por sector | agricultura 11.8%, industria 36.1%, servicios 52.1% |
| Inflación | −0,5 % (2016)[6] |
| Población per baxo de la llinia de la probeza | 22.4% (2011) |
| Total de la fuercia de trabayu | 9 266 000% (2015) |
| Fuercia de trabayu por sector | agricultura 27.9%, indústria 28.2%, servicios 43.9% (2013) |
| Industries | maquinaria y equipos llétricos, montaxe d'automóviles, testiles y calzaos, maquinaria llixera, metalurxa, productos químicos, procesamientu d'alimentos, refinamientu de petroleu, minería, madera, materiales de construcción |
| Datos comerciales[1] | |
| Esportaciones | 56.87 mil millones (2015) |
| Destín d'esportaciones | Alemaña 19.6%, Italia 12.1%, Francia 6.9%, Hungría 5.2%, Turquía 4.6%, Reinu Xuníu 4.2% (2014) |
| Importaciones | 64.07 mil millones (2015) |
| Destín d'importaciones | Alemaña 19.2%, Italia 10.9%, Hungría 7.9%, Francia 5.7%, Polonia 4.7% (2015) |
| Finances públiques[1] | |
| Deuda esterna | 114.5 mil millones (2015) |
| Ingresos | 55.4 mil millones (2015) |
| Gastu públicu | 59.92 mil millones (2015) |
 | |
El país salió d'una recesión de 3 años de duración el 2000, gracies a les esportaciones a los países de la XE. El consumu domésticu y les inversiones ayudaron la crecedera del PIB n'años recién, pero tamién resultaron en grandes desequilibrios del balance de pagos.[1]
Rumanía ye unu de los principales productores y esportadores de productos agrícoles d'Europa. Esti sector representa'l 10% del PIB. Los cultivos ocupen el 40% de la superficie del país; los recursos forestales son abondosos y la pesca ta espandiéndose. Esisten xacimientos de gas natural y petroleu qu'apurren un porcentaxe significativu del consumu diariu, pero pa cubrir la totalidá de la demanda'l país ta obligáu a importalos, principalmente de Rusia. Pa tratar d'amenorgar la dependencia de factores esternos, impulsóse la xeneración en plantes d'enerxía nuclear ya hidroeléctrica, y ente dambes clases apurren un 45% de la enerxía consumida nel país.
El sector industrial representa'l 35% del PIB, magar qu'en los últimos tiempos, les instalaciones construyíes mientres la etapa d'economía centralizada quedaron obsoletas y les fábriques tuvieron qu'invertir masivamente en modernizaciones. Los principales sectores son el testil, el siderúrxicu, la producción de maquinaria y vehículos, d'armamentu y el procesamientu de la producción agropecuaria.
Los servicios entienden el restante 55% del PIB, siendo'l turismu'l principal contribuyente. El Mar Negru, el delta del Danubiu y los Cárpatos son les atraiciones naturales que concentren el turismu, ente qu'en Transilvania destaca'l so patrimoniu cultural.
Referencies
editar- ↑ 1,0 1,1 1,2 CIA. «The World Factbook». Archiváu dende l'orixinal, el 2020-05-15. Consultáu'l 5 de mayu de 2016.
- ↑ URL de la referencia: https://data.worldbank.org/indicator/NY.GDP.MKTP.CD?locations=RO. Llicencia: Creative Commons Atribución 4.0 Internacional.
- ↑ «base de datos del Bancu Mundial». Bancu Mundial. Consultáu'l 27 mayu 2019.
- ↑ https://www.cia.gov/the-world-factbook/field/real-gdp-per-capita/country-comparison/
- ↑ URL de la referencia: http://www.imf.org/external/datamapper/NGDP_RPCH@WEO?year=2016.
- ↑ URL de la referencia: http://www.imf.org/external/datamapper/PCPIEPCH@WEO?year=2016.
Datos: Q280832
Multimedia: Economy of Romania
