Edith d'Escocia

Edith d'Escocia
abadesa	;
abadesa
Vida
Nacimientu	Dunfermline, circa 1080
Nacionalidá	Reinu d'Escocia
Muerte	Palaciu de Westminster, 1 de mayu de 1118 (37/38 años)
Sepultura	Abadía de Westminster
Familia
Padre	Malcolm III de Escocia
Madre	Margarita de Escocia
Casada con	Enrique I de Inglaterra (es) (1100 (Gregorianu) – )
Fíos/es	Matilde d'Inglaterra; Guillermo Adelin (es) ; Euphemia of England (en)
Hermanos/es	María de Escocia (es) ; David I d'Escocia; Edgardo de Escocia (es) ; Duncan II de Escocia (es) ; Ethelred of Scotland (es) ; Alejandro I de Escocia (es) ; Edmundo de Escocia (es)
Pueblu	Casa de Dunkeld (es)
Oficiu	rexenta

Edith Matilda d'Escocia (circa 1080, Dunfermline – 1 de mayu de 1118, Palaciu de Westminster), foi reina consorte d'Inglaterra ente los años 1100 y 1118. Dempués de la so muerte, ye recordada con apellativos como "Matilde la Bona Reina" o "Matilde de Bendita Memoria".

Segunda de les fíes de Malcolm III Canmore, rei d'Escocia, y de la so segunda muyer, Santa Margarita Atheling. A los seis años d'edá (1086), ella y la so hermana María fueron unviaes al monesteriu de Ramsey, onde fueron educaes pola so tía materna, Cristina Atheling, que yera l'abadesa d'esi llugar.

Al xubir al tronu inglés Enrique I en 1100, decide casase y atopa n'Edith la candidata ideal, por ser descendiente, per llinia materna, de los antiguos reis anglosaxones d'Inglaterra; asina, los eventuales fíos d'esta unión tendríen nes sos venes sangre normanda y anglosaxona, colo que se van unificar dambos llinaxes.

Pero desamarra'l discutiniu cuando s'asegura qu'Edith fadría los votos mientres la so estancia en Ramsey; la nueva princesa declara que nunca tomó'l velu, y si en dalgún momentu llegó a usalo foi por orde de la so tía Cristina, pa salvala de la lluxuria de los normandos", pero de momentu #refugar y refundió al pisu, siendo fuertemente reprendida pola abadesa. L'arzobispu Anselmo de Canterbury, ante quien Edith testificara, atopa esta declaración honesta y, como nun hai nenguna torga aparente, consiente'l matrimoniu.

Enrique I y Edith casáronse na abadía de Westminster, el 11 de payares de 1100, siendo l'arzobispu Anselmo el qu'efectúa l'enllaz. Edith ye coronada reina col nome de Matilde.

La nueva reina establez la so corte en Westminster, pero acompaña al so maríu nel so percorríu por toa Inglaterra en 1106-1107 y tamién visita con él el so ducáu de Normandía.

La so corte tuvo arrodiada de poetes y músicos, creciendo con ello la so popularidá, pos, amás, yera bien paecida a so madre, siendo una fervosa católica y ayudando a los más precisaos, como ella fizo n'Escocia. Coles mesmes, encarga a Turgot qu'escriba una biografía de la so madre, Santa Margarita.

El cronista Guillermo de Malmesbury descríbela llavando los pies de los menesterosos y besando les manes de los enfermos na ilesia en Cuaresma.

Morrió nel palaciu de Westminster, a los 38 años d'edá, siendo soterrada na abadía d'igual nome.

Referencies

↑ ^1,0 ^1,1 ^1,2 ^1,3 ^1,4 ^1,5 ^1,6 Afirmao en: Kindred Britain.
↑ ^2,0 ^2,1 Afirmao en: The Peerage. Llingua de la obra o nome: inglés. Autor: Darryl Lundy.

Enllaces esternos

Predecesor:
Matilde de Flandes

Reina Consorte d'Inglaterra
1100-1118

Socesor:
Adela de Lovaina

[e6596ed0d2b81634d4a2b94f1bd23a5d26a198cf-1] 1,0 ^1,1 ^1,2 ^1,3 ^1,4 ^1,5 ^1,6 Afirmao en: Kindred Britain.

[3913844e06e055e8cd81608f22bad0e604d89d2d-2] 2,0 ^2,1 Afirmao en: The Peerage. Llingua de la obra o nome: inglés. Autor: Darryl Lundy.

[1]

[2]