Ekkehardu I

Ekkehardu I ( Thurgau, 910-St. Gallen, 14 de xineru de 973) monxu y escolásticu de l'Abadía de St. Gallen autor de la epopeya Waltharius.

Ekkehardu I
Vida
Nacimientu	Cantón de Turgovia, 910
Muerte	Sankt Gallen (es) , 14 de xineru de 973 (62/63 años)
Estudios
Llingües falaes	llatín
Oficiu	escritor
Creencies
Relixón	Ilesia Católica
Orde relixosa	Orde de San Benitu

Biografía

Nacíu nuna familia noble, foi educáu na abadía de St. Gallen, au entró a formar parte de la orde benedictina, pa dempués cubrir el papel de deán.

Mientres una pelegrinación a Roma conoció al papa Xuan XII, que amosó-y les reliquies de Xuan Bautista. La so carrera eclesiástica zarróse cuando, de vuelta a san Galu, refugó'l cargu d'abá, en llugar del difuntu Kralo. Sicasí, foi brillosu la so carrera lliteraria: escribió'l poema épicu Waltharius, que tien de protagonista a Walter d'Aquitania, llexendariu rei visigodu, y que tuvo un enorme ésitu en tol Medievu, según numberosos himnos relixosos y secuencies.

Ye tamién l'autor del epílogu a la Vita di santa Viborada, escrita por Erimanno de san Galu. La redaición del testu foi por cuenta del sanamientu del autor d'una grave enfermedá, que tendría llugar gracies a la intercesión de la santa, muerta namái mediu sieglu enantes, pola que él fixera votu d'escribir una biografía sobre ella. La redaición foi solicitada pol obispu de la diócesis d'Augsburgu Ulricu.

Enllaces esternos

• Esta obra remanez de la traducción de Ekkeardo I de Wikipedia - italianu, espublizada polos sos editores baxo la Llicencia de documentación llibre de GNU y la Llicencia Creative Commons Atribución-CompartirIgual 3.0 Unported.

• Datos: Q68074