Elkarrekin Podemos
Elkarrekin Podemos («Elkarrekin» n'euskera: «Xuntos» o «Xuníos») ye una coalición eleutoral española d'ámbitu vascu creada de cara a les eleiciones al Parllamentu Vascu de 2016. Ta formada por Podemos Euskadi, Ezker Anitza y Equo.[1]
| Elkarrekin Podemos | |
|---|---|
 | |
| Acrónimu | EP |
| Voceru/a | Lander Martínez |
| Fundación | 11 d'agostu de 2016 |
| Sede | País Vascu |
| Estáu |
 España |
| Posición nel espectru | Izquierda |
| Páxina web | elkarrekinpodemos.eus |
 | |
Xestación de la candidatura
editar.jpg)
La coalición ta basada na realizada a nivel estatal pa les eleiciones xenerales d'España de 2016. En diches eleiciones la coalición Xuníos Podemos/Elkarrekin Ahal Dugu, consiguió ser la fuercia más votada nos trés circunscripciones vasques, imponiéndose tamién en númberu d'escaños. Vistu l'ésitu de la candidatura, los trés formaciones alcordaron reeditar la coalición p'allegar a les eleiciones vasques que se celebraríen el 25 de setiembre de 2016.
El 11 d'agostu de 2016, los trés formaciones ratificaron l'alcuerdu p'allegar conxuntamente a los comicios so la denominación Elkarrekin Podemos. El nome escoyíu ye similar al utilizáu pa les eleiciones xenerales, solo qu'en llugar de dixebrar la denominación en castellán y n'euskera con una barra (Xuníos Podemos/Elkarrekin Ahal Dugu), decidieron xunir los dos denominaciones nuna usando una pallabra de cada idioma como símbolu de la riqueza llingüística del País Vascu.[1]
Como candidata a lehendakari escoyeron a Pili Zabala, quien yá fuera escoyida poles bases de Podemos-Ahal Dugu n'eleiciones primaries.[2]
Resultaos
editarLa coalición llogró un total d'once parllamentarios, lo que-yos convirtió na tercer fuercia con más representación nel Parllamentu Vascu, por detrás del Partíu Nacionalista Vascu y Euskal Herria Bildu, y per delantre del Partíu Socialista d'Euskadi y el Partíu Popular. D'esos once representantes dos son miembros d'Ezker Anitza, unu d'Equo y los ocho restantes de Podemos. Los resultaos, más refechamente, fueron los siguientes:[3]
| Circunscripción | Cabeza de llista | Votos | Porcentaxe | Escaños | Posición |
|---|---|---|---|---|---|
| Álava | Cristina Macazaga | 24 339 | 16,22 % | 4/25 |
4ª |
| Guipúzcoa | Pili Zabala | 48 800 | 14,28 % | 3/25 |
3ª |
| Vizcaya | Lander Martínez | 84 195 | 14,85 % | 4/25 |
3ª |
| País Vascu | Pili Zabala | 157 334 | 14,86 % | 11/75 |
3ª |
Referencies
editar- ↑ 1,0 1,1 «Elkarrekin-Podemos quier llegar al Gobiernu Vascu pa faer una política distinta». El Mundo (12 d'agostu de 2016). Consultáu'l 20 d'agostu de 2016.
- ↑ «Elkarrekin Podemos aportuna en que va tener que falar con EH Bildu y PSE de polítiques sociales y progresistes». eldiario.es (17 d'agostu de 2016). Consultáu'l 20 d'agostu de 2016.
- ↑ Departamentu de Seguridá del Gobiernu Vascu. «Resultaos de les Eleiciones al Parllamentu Vascu de 2016». Consultáu'l 15 d'ochobre de 2016.
Enllaces esternos
editar
Wikimedia Commons acueye conteníu multimedia sobre Elkarrekin Podemos.
Datos: Q26409131- Multimedia: Elkarrekin Podemos
