Eloy Calvo Capellín
Eloy Calvo Capellín (1924, El Campu – 9 d'avientu de 2008, Pamplona) foi'l primer presidente del Real Sporting de Xixón tres la so conversión en sociedá anónima deportiva. Enantes fuera miembru, ente 1986 y 1989, de la xunta directiva presidida por Ramón Muñoz Fernández.[1]
Eloy Calvo Capellín | |||
|---|---|---|---|
1992 - 1994 | |||
| Vida | |||
| Nacimientu | El Campu, 1924 | ||
| Nacionalidá |
 España | ||
| Muerte | Pamplona, 9 d'avientu de 2008 (83/84 años) | ||
| Estudios | |||
| Llingües falaes | castellanu | ||
| Oficiu | empresariu | ||
 | |||
Biografía
editarNació nel conceyu de Casu en 1924. A los catorce años ingresó na entidá Banesto y pasó de ser botones a direutor de sucursal, llegando a xubilase nel bancu. N'abandonando Banesto, empecipió la so faceta d'empresariu, primero como fundador de Construcción San Bernardo y, más tarde, de Asprusa, xunto con Eliseo Soto. Mientres esos años foi vicepresidente de la Asociación de Promotores y Constructores d'Edificios Urbanos (ASPROCON), aportando más palantre a la presidencia del Sporting, el día 5 de setiembre de 1992. Foi escoyíu na primer xunta xeneral d'accionistes del Real Sporting de Xixón S. A. D., entidá de la que se convirtiera n'accionista mientres la conversión del club en sociedá anónima deportiva esi mesmu añu, al igual que la mayoría de miembros de Asprocon.[2] El primer conseyu d'alministración que presidió taba formáu amás por Manuel Calvo Pumpido, Manuel Cosío Meana, Florentino Fano Rodríguez, Ángel García Flórez, Luis Mitre Andrés, Pedro Morán Quirós, Alberto Menéndez Rúa, José Luis Fernández-Avello García, Luis Fernando Menéndez Fernández, Juan Montesa García Fernández, Alejandro Fernández-Nespral Baragaño, Cándido Cueto Gutiérrez, Octavio Alonso Canal, Eliseo Soto Fernández y José Fernández Álvarez.[3]
Finó'l 9 d'avientu de 2008, a la edá d'ochenta y cuatro años, cuando lluchaba en Pamplona contra una enfermedá.
Vida privada
editarCasáu con María Luisa Carvajal, una muyer de la qu'él dicía: Hai pocos homes que valoren tanto a la so muyer como yo a la mía,[4] yera un católicu confeso.
Referencies
editar- ↑ Rosety, Manuel (9 d'avientu de 2008). El Comercio (ed.): «Fina Eloy Calvo Capellín, primer presidente del Sporting S. A. D.». Consultáu'l 12 de payares de 2012.
- ↑ Mundo Deportivo (ed.): «'Grupu Unificáu' controla'l conseyu d'alministración del Sporting» (6 de setiembre de 1992). Consultáu'l 12 de payares de 2012.
- ↑ La Nueva España (ed.): «25 años de la conversión del Sporting en sociedá anónima deportiva» (20 de xunu de 2017). Consultáu'l 19 d'agostu de 2018.
- ↑ Rivera, Víctor (10 d'avientu de 2008). La Nueva España (ed.): «Muerre Eloy Calvo Capellín». Consultáu'l 12 de payares de 2012.
Enllaces esternos
editar
| Predecesor: Plácido Rodríguez Guerrero |
Presidente del Real Sporting de Xixón 1989 - 1992 |
Socesor: Manuel Calvo Pumpido |
Datos: Q5829894
