Else Krüger

Else Krüger
Vida
Nacimientu	Hamburgu, 9 de febreru de 1915
Nacionalidá	Alemaña
Muerte	24 de xineru de 2005 (89 años)
Estudios
Llingües falaes	alemán
Oficiu	secretaria

Else Krüger (9 de febreru de 1915, Hamburgu – 24 de xineru de 2005) foi una secretaria alemana mientres la Segunda Guerra Mundial.

Dende fines de 1942, Krüger foi la secretaria de Martin Bormann, xefe de la Cancillería y asuntos del NSDAP so órdenes direutes d'Adolf Hitler. Permaneció nel Führerbunker mientres la Batalla de Berlín. Krüger tuvo con Eva Braun, Gerda Christian, Traudl Junge y Constanze Manziarly cuando'l dictador Alemán Adolf Hitler díxo-yos qu'elles teníen de preparar pa dise al Berghof xunto a otros. Tuvo con Eva Braun cuando ésta indicó-y qu'elles nun lo dexaríen nunca y permaneceríen xuntos hasta'l final. Hitler nun xestu de solidaridá dio-yos a caúna una cápsula de cianuru.^[2]

Krüger escapó de Berlín el 1 de mayu de 1945 nel grupu lideráu pol Xeneral de Brigada SS (Brigadeführer) Wilhelm Mohnke.^[3] Na mañana del 2 de mayu, el grupu, escondíu nun suétanu, foi prindáu polos soviéticos. Emprestó declaración nel Xuiciu de Nuremberg, nel casu "Bormann".

Else Krüger casóse en Gran Bretaña, el 23 d'avientu de 1947 con Leslie James, el so oficial d'interrogación británicu. James naciera'l 3 de setiembre de 1915 en Wallasey, Cheshire, Gran Bretaña. Else vivió sol nome de Else James en Wallasey^[4] y depués en Cambridge, onde'l so maríu exerció como profesor d'inglés. Dempués del fallecimientu del so cónxugue en 1995, Else tornó a Alemaña, au morrió diez años dempués, cuasi nonaxenaria.^[5]

Referencies

↑ URL de la referencia: http://www.liverpoolecho.co.uk/in-your-area/woman-who-worked-for-nazis-10757448.
↑ Beevor, Antony (2002). Berlin: The Downfall 1945, Viking-Penguin Books, p. 278
↑ O'Donnell, J. (2001) [1978], The Bunker. Nueva York: Da Capo Press, páxs. 271, 274
↑ O'Donnell, J. (2001) [1978], The Bunker. Nueva York: Da Capo Press, p. 293
↑ «Woman who worked for nazis» (inglés) (20 de xineru de 2016).

Bibliografía

Beevor, Antony (2002). Berlin: The Downfall, 1945. Penguin Books, ISBN 0-670-88695-5

[87e2953cfcf79ce0eb733e36f359c89aae3b06f2-1] URL de la referencia: http://www.liverpoolecho.co.uk/in-your-area/woman-who-worked-for-nazis-10757448.

[2] Beevor, Antony (2002). Berlin: The Downfall 1945, Viking-Penguin Books, p. 278

[3] O'Donnell, J. (2001) [1978], The Bunker. Nueva York: Da Capo Press, páxs. 271, 274

[4] O'Donnell, J. (2001) [1978], The Bunker. Nueva York: Da Capo Press, p. 293

[5] «Woman who worked for nazis» (inglés) (20 de xineru de 2016).

[1]

[2]

[3]

[4]

[5]