Constanze Manziarly

Constanze Manziarly
Vida
Nacimientu	Innsbruck, 14 d'abril de 1920
Nacionalidá	Austria
Muerte	Berlín, 2 de mayu de 1945 (25 años)
Oficiu	dietista, cocinera
Emplegadores	Adolf Hitler

Constanze Manziarly (14 d'abril de 1920, Innsbruck – 2 de mayu de 1945, Berlín) foi la cocinera d'Adolf Hitler y parte del so círculu íntimu.

Biografía

Nació n'Innsbruck, Austria. Realizó estudios d'hostelería. Empezó trabayando pal médicu de Hitler, quien al ver los problemes dixestivos del Führer encamentó-y los guisos de Manziarly. A ésti encantáronlu tantu que la fixo la so cocinera y dietista personal y ella adulces foise ganando'l so enfotu y l'amistá d'Eva Braun.

Vida nel nazismu

Mientres la guerra Manziarly diba al Berghof a cocina-y al círculu íntimu de Hitler y quedábase a oyer los sos discursos. Ella almiraba enforma a Hitler, inclusive yera parte d'una de les dames del Tercer Reich: Eva Braun, Magda Goebbels, Gerda Christian, Traudl Junge y munches más.

Pero Alemaña empezó a perder la guerra y les situaciones nel círculu íntimu de Hitler punxéronse tirantes, munchos empezaron a alloñase d'él, quedando namái los más lleales, ente ellos Constanze Manziarly.

Nel búnker l'ambiente yera por demás tirante, Hitler y Eva empezaron a prescindir de personal. Hitler dio-y a caúna de les sos persones d'enfotu una cápsula de cianuru en casu de que-yos atraparen los soviéticus, yá que pensaba que si asocedía diben somete-yos a vergüences y a coses peores que la muerte.

El 29 d'abril de 1945 foi la boda ente Hitler y Eva Braun, que decidieron suicidase y dempués quemar los sos cuerpos, en lleendo una carta na que s'anunciaba que'l dictador italianu Benito Mussolini y el so amante Clara Petacci fueren atrapaos, ametrallaos y los sos cuerpos sometíos a les más tarrecibles vergüences. Constanze preparó-yos pastes pa comer.

A otru día los cuerpos de Hitler y de la so esposa fueron quemaos. La mayoría de los nazis suicidáronse pocu dempués, dalgunos escaparon y apurriéronse a los estauxunidenses, otros escaparon a Suramérica. Les informaciones sobre la muerte de Manziarly son contradictories. Ella foi citada pol SS-Brigadeführer Wilhelm Mohnke el 1 de mayu 1945 a les 20:30 pa escapar del búnker xunto con dellos miembros más del personal d'enfotu, como les secretaries Gerda Christian, Traudl Junge y Else Krüger.

La mayoría de la lliteratura disponible cita que se suicidó con una pastilla de cianuru el día dempués, ente que nes memories de Traudl Junge, ella diz que la vio per última vegada en compañía de dos soldaos soviéticus que-y ciscaben los papeles.

Referencies

Segovia, David. Eva Braun, 2005, coleición Muyeres na Hestoria, Edimat Llibros.

Lliteratura

Christa Schroeder. Er war mein Chef. Herbig, Múnich 1985, 4ª ed. ISBN 3-7766-2286-5 (Anmerkung Nᵘ 260)
Traudl Junge, Melissa Müller. Bis zur letzten Stunde. Hitlers Sekretärin erzählt ihr Leben, List-Verlag, 2004. ISBN 3-548-60470-6 (páxs. 234f)

Referencies

Enllaces esternos

Semeya Manziarly con Arthur Kannenberg n'Álbum Picasa de Gebhardt (enllaz rotu disponible n'Internet Archive; ver l'historial y la última versión).