Emilio López Arango
Emilio López Arango (25 de mayu de 1893, Cuideiru – 25 d'ochobre de 1929, Buenos Aires) foi un anarquista y periodista arxentín d'orixe asturianu.
Emilio López Arango | |
|---|---|
 | |
| Vida | |
| Nacimientu | Cuideiru, 25 de mayu de 1893[1] |
| Nacionalidá |
 Arxentina |
| Muerte | Buenos Aires, 25 d'ochobre de 1929 (36 años) |
| Causa de la muerte | atentáu terrorista |
| Oficiu | anarquista, panaderu |
 | |
Foi un influyente organizador del movimientu obreru polo xeneral, y de la Federación Obrera Rexonal Arxentina (FORA) en particular. Foi unos de los más importantes teóricos y militantes del movimientu obreru anarquista d'Arxentina, una de les fontes de les que se nutre l'anarcosindicalismu.
Biografía
editarNació en Cuideiru'l 25 de mayu de 1894 nuna familia humilde de pescadores. En 1907 coló a Cuba a trabayar nun comerciu d'un familiar en La Quinta (Santa Clara). Al poco, volvió a Asturies y darréu viaxó a Arxentina, onde entamó a trabayar como panaderu en Buenos Aires.[2]
Ellí integróse rápidamente nos movimientos obreros del so gremiu. En 1915 empezó a escribir en periódicos, especialmente en La Protesta, del que foi director hasta la so muerte. En xineru de 1916 fundó'l periódicu El Obrero Panadero, onde publicaba artículos sol nomatu de "Xáxara". Tamién collaboró con otres publicaciones como Tribuna Proletaria, la revista La Campana, El Repartidor de Pan o Prometeo y Nuevos Caminos.[3]
El 25 d'ochobre de 1929, Arango sufrió un atentáu que lu mató. Taba en casa cocinando la cena cuando daquién picó. Al abrir, recibió tres balazos nel pechu, morriendo poco depués. Nunca quedó clara l'autoría del atentáu, anque delles fontes particulares afirmen tar convencíes de que foi'l tamién anarquista Severino Di Giovanni quien disparó.[4]
Referencies
editar- ↑ URL de la referencia: https://www.asturias.me/periodismo-divulgacion/c/0/i/54360695/lopez-arango-emilio. Data de consulta: 25 xineru 2024.
- ↑ «López Arango, Emilio» (castellanu).
- ↑ Carlos Penelas (avientu de 2014). «Emilio López Arango. Identidad y fervor libertario» (castellanu).
- ↑ Osvaldo Bayer. «Severino Di Giovanni, el idealista de la violencia» (castellanu) páx. 109.
Enllaces esternos
editar
Datos: Q4068509
Cites famoses: Emilio López Arango
Testos: Autor:Emilio López Arango
