Empastie

L'empastie, n'odontololoxía, consiste en llimpiar el cuévanu resultante d'una caries para depués rellenala con dalgún material. Esti procesu rehabilita asina l'anatomía dental pa una apropiada estética, función, masticación y oclusión de los dientes colos sos antagonistes y consigue un bon selláu que torga que vuelva producise la mancadura cariosa. Cuando se realicen obturaciones complexes, el procesu llámase reconstrucción dental.

Empastie
especialidad odontológica (es)
Odontoloxía y restauración dental (es)

Materiales de obturaciones

Les más comunes son les resines compuestes, l'axuntadura, l'oru cohesivo (en desusu), los ionómeros de vidriu, los compómeros y los cementos dentales como'l hidróxidu de calciu, oxifosfato de cinc y eugenol. Lo que de normal se conoz como «empastie» anguaño suel tar realizáu con resines compuestes o, enantes, con axuntadura de plata. Esta postrera cayó en desusu debíu principalmente a la so falta d'estética y a la so supuesta toxicidá la cual nun ta reconocida pola ADA (Asociación Dental Americana) nin por práuticamente la totalidá de comunidaes dentales del mundu; el restu son pa obturaciones temporales, mientres s'acaba o desenvuelve un tratamientu, xeneralmente en endodoncia.

Anguaño esisten investigaciones en cursu que podríen revolucionar el campu de la odontoloxía. Trátase d'empasties basaos en hidroxiapatita, el material natural del diente y que prometen un arreglu perfectu de los dientes estropiaos, reemplazando'l material perdío por otru químicamente idénticu al natural. Los ensayos científicos demuestren que los materiales sinténticos usaos güei día son tóxicos en mayor o menor midida, por eso la gran importancia de consiguir materiales d'arreglu que se paezan lo más posible a los naturales.

Tipos de obturación

Nun esiste una terminoloxía uniformemente aceptada, pero polo xeneral llámase empastie a una obturación pequeña, ente que si ye de tamañu mayor y afecta a una cara completa d'una pieza dental llámase reconstrucción y gran reconstrucción a refaer una parte importante de l'anatomía del diente.

Referencies