Escaflowne

Escaflowne
Datos
Títulu orixinal	天空のエスカフローネ
Xéneru	anime romántico (es) , anime de fantasía (es) , anime de aventuras (es) , mecha (es) , anime de ciencia ficción (es) , anime de acción (es) y isekai (es)
País d'orixe	Xapón
Idioma orixinal	xaponés
Direición	Kazuki Akane
Númberu d'episodios	26
Llista d'episodios	list of The Vision of Escaflowne episodes (en)
Personaxes	ver Hitomi Kanzaki (es) ;
Llista de personaxes	list of The Vision of Escaflowne characters (en)
Primer emisión	2 d'abril de 1996
Última emisión	24 de setiembre de 1996
Emisora orixinal	TV Tokyo (es)
Productora	Bandai Namco Filmworks (es)
Obres rellacionaes	The Vision of Escaflowne (en) y Messiah Knight: The Vision of Escaflowne (en)

La Visión d'Escaflowne (天空のエスカフローネ|Tenkū no Esukafurōne) ye una serie de TV anime de 26 episodios de Sunrise Studio, orixinalmente emitida en Xapón ente'l 2 d'abril y el 24 de setiembre de 1996. Remaneció nuna serie manga shonen y otra shojo, y una película de cine. (La serie manga shonen en realidá anició enantes de la serie animada, por mor del llargu procesu de pre-producción d'ésta cabera).

Tien elementos de los xéneros shojo, shonen, romance, y mecha. La historia ye un mestu perbono de lliteratura d'estremaes cultures, arreyádose incluso al pasáu mitolóxicu de la humanidá. La música, compuesta por Yoko Kanno y Hajime Mizoguchi, ye d'un tastu nidiamente oriental, anque incorpora elementos como la coral occidental y el lletro-pop. Esta serie siñó'l debú anime (nun papel principal) de Maaya Sakamoto na voz de la protagonista Hitomi Kanzaki y cantante del cantar d'entamu Yakusoku wa Iranai.

Arriendes de la espublización regular, la agora desapaecida marca de Bandai, Anime Village, tamién espublizó una versión estauxunidense de la nomada "Special Edition" (Edición Especial) que Bandai Visual creyó en Xapón. Yera tol arcu de la historia de 26 episodios editáu en trés cintes VHS en 1996-1997. En 1998 foi presentada en Méxicu pola cadena "Televisión Azteca" col nombre de "La Visión d'Escaflowne". En 1998, Anime Village asoleyó esta edición en Norteamérica como la "Vision of Escaflowne Best Collection" (Meyor Coleición de Visión d'Escaflowne). Escaflowne emitióse curtiamente na cadena Fox Kids n'otra versión editada ente agostu y ochobre del 2000, pero foi cancelada. Esi Escaflowne foi remocicáu p'axeitase a los gustos de los adolescentes, y foi denomada Foxcaflowne. Una versión de 23 episodios, fuertemente tarazada de conteníos y tiempu, y con una secuencia de títulos estremada, emitióse delles vegaes na canal Fox Kids del Reinu Xuníu.

La serie de 26 partes non editada foi espublizada dende entoncenes en paquetes de DVDs d'Estaos Xuníos y Reinu Xuníu ufriendo una opción de versiones doblaes y sotitulaes, les que s'emplegaron pa espublizar n'otros países, como ye nel casu d'España.

Referencies

Enllaces esternos

Neo-Manga Archiváu 2007-06-17 en Wayback Machine (Scan del manga shojo)