Escudu de Nava

L'escudu del conceyu asturianu de Nava foi aprobáu'l 9 de payares de 1996. Tien el so orixe nel blasón utilizáu por Octavio Bellmunt y Fermín Canella na so obra "Asturias".

Escudu de Nava
Datos
Estáu	España
Propietariu	Nava
Fecha d'adopción	1996

Ye curtiáu y mediu partíu.

• Primer cuartel curtiáu, flanquiáu d'oru y veros. Ésti ta formáu poles armes de la familia Álvarez de Asturias, que forma tamién parte de numberosos escudos d'Asturies y Lleón.

• Segundu cuartel partíu, dos palmes d'oru puestes n'aspa, montada por una corona real abierta, tamién d'oru. Estes son les armes del Real Monesteriu de San Pelayu d'Uviéu, al que perteneció parte del conceyu de San Bartolomé, güei integráu en Nava. Les dos palmes y el campu roxu simbolicen el martiriu de San Pelayu, los sos restos tán nuna urna baxo l'altar mayor de la ilesia del conventu. La corona fai alusión al calter real.

• Tercer cuartel, en gules, una torre d'oru, almenada, mazonada de sable y aclarada d'azur, acompañada de trés flores de lis, con una rama d'oru saliendo d'una de les sos ventanes y posáu sobre ella un falcón, del mesmu metal, allugáu a la manzorga del cuartel. Estes son les armes de la familia Posadas, titulares del Señoríu de Tresali.

Al timbre corona real, zarrada.

Ver tamién

• Escudos d'Asturies

Enllaces esternos

• Datos: Q20620083