Escudu de Samartín del Rei Aurelio

L'escudu de Samartín del Rei Aurelio (Asturies) ye cuartiáu en cruz. Mui asemeyáu al de Llangréu, conceyu al que perteneció hasta'l sieglu XIX, compartiendo 3 de los sos cuatro cuarteles.

Escudu de Samartín del Rei Aurelio
Datos
Estáu	España
Propietariu	Samartín del Rei Aurelio

• Nel primer cuartel vemos, sobre campu d'azur, la Cruz de los Ánxeles, como signu de dependencia de la mitra mientres sieglos.

• El segundu cuartel, representa, en campu de sinople a diez celaes de plata que simbolicen a los Infanzones de Llangréu.

• Nel tercer cuartel, en gules tenemos a la diestra una cripta fúnebre de plata y una corona real d'oru n'honor del Rei Aurelio del que toma nome'l conceyu.

• Nel cuartu cuartel, observamos sobro un campu d'azur, una rueda dentada sobro un picu y una pala d'oru que simbolicen el trabayu, actividá que ta mui xunida a la vida del conceyu, sobre manera la minería.

Como munchos de los escudos d'Asturies esti carez de sanción llegal, copiándolu del propuestu por Octavio Bellmunt y Fermín Canella pa ilustrar la so obra "Asturias", y na cual pa facer dichos emblemes, basábense nos aspeutos más significativos de cada conceyu.

Ver tamién

• Escudos d'Asturies

Enllaces esternos

• Datos: Q20620655