Escudu de Tunicia

Escudu de Tunicia
Datos
Propietariu	Tunicia
Fecha d'adopción	21 de xunu de 1956

L'escudu d'armes de Tunicia foi adoptáu'l 21 de xunu de 1956. Dende entós careció delles pequeñes alteraciones, la más reciente realizóse nel añu 1963.

Ye un escudu partíu nel que figuren: na primera partición, nun campo d'oru, una balanza de sable y na segunda, de gules, un lleón rampante y armáu de sable que porta una espada de plata.

Nuna franxa d'azur, asitiada nel xefe, una embarcación sobre'l mar representáu d'azur.

Ente la franxa del xefe y les dos particiones del escudu apaez escrito nuna cinta'l lema nacional, n'árabe: نظام، حرية، عدالة "niẓām, ḥurriyya, ʿadāla" ("Llibertá, Orde, Xusticia").

Timbra l'escudu un círculu de plata perfiláu de gules que contién un creciente (lluna creciente) y una estrella de cinco puntes, dambes de gules. El creciente y la estrella de cinco puntes son dos símbolos del Islam y tamién figuren, dientro del círculu de plata, na Bandera nacional.

Los elementos del escudu simbolicen los términos que componen el lema nacional:

La embarcación (una galera púnica) ye'l símbolu de la llibertá y tamién ye una alusión a la hestoria'l país y a los sos intereses marítimos modernos.
La balanza simboliza la xusticia.
El lleón que porta la espada simboliza l'orde.

La lluna creciente y la estrella son símbolos tradicionales del islam.

Esiste otra versión del escudu na que los campos (fondos) de toles particiones del escudu y de la cinta na qu'apaez escrito'l lema apaecen representaes "d'oru" (color mariellu en terminoloxía heráldica).

Escudu de Tunicia

Referencies

Enllaces esternos