Escuela de fútbol de Mareo
La Escuela de Fútbol Ángel Viejo Feliú, más conocida como Escuela de fútbol de Mareo, ye un complexu deportivu del Real Sporting de Xixón asitiáu nel barriu de Mareo de Baxo, na parroquia xixonesa de Llorio. La Escuela ta financiada, principalmente, pola Fundación Real Sporting de Xixón y la finca ye propiedá del conceyu de Xixón.
| Escuela de fútbol de Mareo | |
|---|---|
| instalación deportiva | |
 | |
| Llocalización | |
| País |  España |
| Autonomía |  Principáu d'Asturies |
| Provincia | provincia d'Asturies |
| Conceyu |  Xixón |
| Parroquia | Llorio |
| Llugar | Mareo de Baxo |
| Coordenaes | 43°30′N 5°41′W / 43.5°N 5.68°O |
  Escuela de fútbol de Mareo Escuela de fútbol de Mareo (Asturies) | |
| Historia y usu | |
| Apertura | 28 marzu 1978 |
| Dueñu | Xixón |
| Deporte | fútbol |
| Usuariu |
Real Sporting de Xixón Real Sporting de Xixón Femenín Sporting Atlético |
| Aforu | 3000 |
| Arquiteutura | |
| Arquiteutu/a | Miguel Díaz Negrete |
| Superficie | 111 700 m² |
| Web oficial | |
 | |
Considérase actividá de la Escuela tolo rellacionao colos equipos de fútbol base, esto ye, les categoríes inferiores —xuveniles, cadetes, infantiles, esquiles, redrueyos y prebenxamines— del Sporting, y el fútbol femenín, qu'anguaño cunta con un equipu que compite na Segunda División, el Real Sporting de Xixón Femenín y otru en categoría rexonal, el Real Sporting de Xixón "B" Femenín.
Amás de les actividaes de la Escuela, nel complexu alcuéntrense les oficines de la sociedá anónima deportiva, los campos d'entrenamientu del primer equipu y, mientres el branu, celébrase'l denomináu "campus de branu de Mareo" dende 1995, pa nuevos futbolistes d'ente ocho y dieciséis años.
Instalaciones
editarAsitiada pela rodiada de Xixón, al sur de la ciudá, tien una superficie de 111.700 m². El so mayor aliciente son los siete campos de fútbol que tien —cuatro de yerba natural (númberos 1, 2, 4 y 5) y trés de yerba artificial (númberos 3, 6 y 7). Los númberos 3 y 6, fueron inauguraos n'agostu de 2016, construyíos colos materiales y téuniques más modernos, casu de la fibra monofilamentu Duo Shape 40. El númberu 3 tien una base elástica, de 20 milímetros, a la que se-y amestaron forgaxes de cocu y cauchu. El númberu 6 tien una capa de Nut 3001 de 10 milímetros, esti solu de forgaxes de cauchu. Amás, dispón d'un campu de yerba artificial pa fútbol 8 (campu númberu 9), una zona de yerba artificial d'entrenamientu de porteros (númberu 8), una pista de fútbol sala y una cancha de fútbol-playa y futvolei —una variación del voleibol na que se xuega col pie—. Complementen estes instalaciones diez vestuarios, un centru médicu y un ximnasiu nel que s'exerciten los futbolistes. Amás, dispón d'una cafetería-restorán, un edificiu d'oficines, diversos almacenes y un aparcamientu.
Pa poder facer el campus de branu, nel que les instalaciones de Mareo conviértense nun campamentu futbolísticu pa los más mozos, la Escuela tamién tien un total d'ocho cabañes onde s'agospien los neños y otra cabaña dedicada a les actividaes más xenerales del campus. Esti campamentu gocia yá de prestixu internacional.
Amás, la Escuela de Mareo tamién ye'l llugar qu'acueye los partíos que'l Real Sporting de Xixón "B" disputa como llocal, nel campu númberu 1, denomináu Pepe Ortiz n'honor al que fuera delanteru del conxuntu sportinguista mientres la década de los cincuenta.
Historia
editarEn xineru de 1974, la directiva sportinguista, dirixida por Ángel Viejo Feliú, contrata al entrenador yugoslavu Branko Zebec, que llega a Xixón y cólase a los pocos díes polos precarios recursos de los que disponía'l club pa entrenar. Ye nesi momentu cuando plantégase firmemente adquirir unos terrenos y construyir unes instalaciones acordes a un equipu como'l Sporting. Los ingresos pol trespasu del xugador vascu Ignacio Churruca al Athletic Club, 50 millones de pesetes, destínense íntegramente a poner en marcha'l proyeutu, que ve lluz el 28 de marzu de 1978, cuando s'inaugura oficialmente la Escuela por Pablo Porta (presidente de la Real Federación Española de Fútbol) y so la presidencia del club de Manuel Vega-Arango.
El 1 d'agostu de 2001, el conceyu de Xixón merca les instalaciones de la Escuela de fútbol de Mareo y les marques del Sporting por 12 millones d'euros, lo que supón un ingresu importante pa la sociedá anónima deportiva, que traviesa nesos momentos una grave crisis económica, con fuertes deldes contrayíes, principalmente cola facienda pública. El Sporting pasa, entós, a suscribir un contratu d'arriendu col conceyu, pa poder siguir utilizando les instalaciones. La valoración de la Escuela y de les marques -derechos de propiedá industrial- foi oxetu de discutiniu, pero el Sporting nun tuvo más remediu qu'aceptala, debíu al colapsu de lliquidez que presentaba.
Fútbol americanu
editarAnque'l Real Sporting de Xixón anguaño nun tien seiciones deportives, l'equipu de fútbol americanu llocal, Xixón Mariners, cuenta cola collaboración de la Fundación Real Sporting de Xixón pa poder entrenar nes instalaciones de la Escuela de fútbol.
Referencies
editarEnllaces esternos
editar- Información na web oficial del Real Sporting de Xixón (enllaz rotu disponible n'Internet Archive; ver l'historial y la última versión).
- Campus de fútbol Mareo
- Escuela Escuela de fútbol de Mareo en Logroño
Datos: Q5839304
Multimedia: Escuela de Mareo
