Escuela de los Annales
La Escuela de los Annales ye una escuela historiográfica, denomada asina pola publicación de la revista francesa Annales d'histoire économique et sociale (depués nomáu Annales. Economies, sociétés, civilisations, y renomáu en 1994 como Annales. Histoire, Sciences Sociales), n'onde s'espublizaron por primer vegada los sos plantegamientos. La escuela de los Annales caracterízase en rasgos xenerales por desendolcar una historia na que s'incorporen otres ciencies sociales como la xeografía, la socioloxía, la economía, la psicoloxía social y la antropoloxía, ente otres.
Nacencia
editarLa revista Annales foi fundada y editada polos historiadores franceses Marc Bloch y Lucien Febvre en 1929, mientres ellos enseñaben na Universidá d'Estrasburgu. La publicación propunxo una conceición de la investigación histórica distinta a la que-y antecediere, pues combinó la xeografía, la historia y los plantegamientos sociolóxicos de los Année Sociologique (de los que munchos miembros yeren collacios de Bloch y Febvre en Estrasburgu); amás, propugnaba por una ampliación nos temes d'estudiu de la Historia y refugaba l'énfasis predominante na política, la diplomacia y los fechos bélicos de munchos de los historiadores del sieglu XIX.
De toes formes l'afán de renovación que buscaba la revista, l'esfuerzu de los sos editores hubo esperar a que terminara la Segunda Guerra Mundial. Bloch, miembru de la Resistencia francesa y xudíu, foi asesináu por miembros de la Gestapo, y Febvre continuó cola publicación de los Annales nos años cuarenta del sieglu XX. Demientres esos años enseñó a Fernand Braudel, que se volvería un de los esponentes más reconocíos d'esta escuela.
La dómina Braudel
editarEl trabayu de Fernand Braudel definió una "segunda xeneración" na historiografía de los Annales, que resultó mui influyente a lo llargo de los años 60 del sieglu XX. Braudel innovó nel campu de la historia al inxertar, na esplicación de los fechos históricos, les "duraciones" (la corta, la mediana y la llarga duración). Ente les sos obres cal destacar La Méditerranée et le monde méditerranéen à l'époque de Philippe II (El Mediterraneu y el mundu mediterraneu nos tiempos de Felipe II), espublizada en 1949 y ye una obra d'un marcadísimu estructuralismu.
La tercer xeneración
editarAl entamar la década de los setenta del sieglu XX Braudel retírase d'Annales por discrepancies internes. Cola so salida, distínguese a una tercer xeneración que se carauteriza pola so heteroxeneidá, pues nun hai consensu metodolóxicu, políticu nin intelectual. Sicasí, dalgunos rasgos puen sorrayase: l'incrementu de la presencia académica y social y l'interés por estudiar la cultura. La so inspiración ye Lucien Febvre, Michelet y Michel Foucault. Estos historiadores, encabezados por Jacques Le Goff y Pierre Nora, inventaron un términu, "La Nueva Historia", pa clasificar a la so propia producción, nun intentu de marcar la novedá historiográfica que suponíen. Según Le Goff, la Nueva Historia naz pa retrucar nueves entruges a un públicu más ampliu, interiorizando los métodos de l'antropoloxía. Agora aparez l' interés pol acontecimientu, pola historia política, pola historia de les mentalidades y de les representaciones, pola historia total. Recibieron crítiques pol so "desmigayamientu", ello ye, la multipliación desordenada de los oxetos d'investigación.
La cuarta xeneración: El xiru críticu
editarNesi contestu de crisis Lepetit, secretariu de la publicación llanza una editorial na primavera de 1988 anunciando esti nuevu xiru.
Representantes de la Escuela de los Annales
editarDelles obres historigráfiques de los miembros de los Annales
editar- Marc Bloch, Apologie pour l'histoire ou Métier d'Historien.
- Lucien Febvre, Combats pour l'histoire.
- Jacques Le Goff, Histoire et mémoire.
- Fernand Braudel, Histoire et Sciences sociales : La longue durée.
- Fernand Braudel, La Méditerranée et le monde méditerranéen à l'époque de Philippe II.
Bibliografía
editarAGUIRRE ROJAS, Carlos. La escuela de los Annales: ayer, hoy y mañana, Barcelona, Montesinos, 1999. (castellán)
BURKE, Peter. La revolución historiográfica francesa. La escuela de los Annales, 1929-1984, Barcelona, Gedisa, 1999. (castellán)
PASAMAR, La Historia Contemporánea. Aspectos teóricos e historiográficos, Madrid, Síntesis, 2000. pp 69 - 217 (castellán)
Referencies
editarEnllaces esternos
editar
Wikimedia Commons tien conteníu multimedia tocante a Escuela de los Annales.
Datos: Q336241
