Chuck Norris

Chuck Norris
Vida
Nacimientu	Ryan (es) , 10 de marzu de 1940 (84 años)
Nacionalidá	Estaos Xuníos
Residencia	Navasota (es)
Llingua materna	inglés
Familia
Padre	Ray Norris
Madre	Wilma Scarberry
Casáu con	Diane Holechek (es) (1958 – div. 1988); Gena O'Kelly (es) (1998 – )
Fíos/es	Mike Norris
Hermanos/es	Aaron Norris; Wieland Norris (es)
Estudios
Estudios	North High School (en)
Llingües falaes	inglés
Alumnu de	Shin Jae-chul (es) ; Carlos Machado
Profesor de	Robert Wall; Johnny Gyro; Pat E. Johnson (es)
Oficiu
Oficiu	actor de cine, escritor, guionista, actor, actor de televisión, karateka, lluchador de taekwondo, productor de cine, especialista de cine
	Participante Smak (en) ;
Trabayos destacaos	Walker, Texas Ranger
Premios	ver Estrella del Paséu de la Fama de Hollywood ; Premios BMI (1997, 1998) ; Martial Arts History Museum (1999) ; TV Guide Award (1999) ; Golden Boot Awards (2001) ;
Creencies
Relixón	Ilesies evanxéliques
Partíu políticu	Partíu Republicanu de los Estaos Xuníos
IMDb	nm0001569
	chucknorris.com

Carlos Ray Norris (10 de marzu de 1940, Ryan ^(es) ), conocíu como Chuck Norris, ye un actor d'Estaos Xuníos, campeón mundial de karate, exmilitar y fundador d'una asociación de karate.

Biografía

Chuck Norris en 1976.

Los sos empiezos nes artes marciales fueron en Corea del Sur, onde foi destináu na Fuercia Aerea a finales de la década de los 50. Prauticó Tang Soo Do, Taekwondo y daqué de Hapkido. Al so regresu a Estaos Xuníos empezó a prauticar otros estilos y darréu Jiu-jitsu brasilanu, sistema de llucha brasilanu basáu n'enfrentamientos reales y que enfatiza téuniques de suelu.

Dientro del conxuntu de películes nes qu'actuó cabo recordar la protagonizada xunto a Bruce Lee, El Raxón del Dragón, onde a la fin s'enfrenta nun combate épicu a Cheng (Bruce Lee) nel Coliséu de Roma, siendo derrotáu. Esti filme dio a Norris notoriedá nel ambiente cinematográficu, que supo esplotar proyectándose nel celuloide.

Dempués d'esi filme Norris actuó en delles películes d'aición, la mayoría d'elles interpretando papeles de héroe, onde amosó les sos habilidaes marciales. Acordies cola revista Variety, «action more than acting characterizes Norris performances» (l'aición más que l'actuación carauteriza les actuaciones de Norris).

Ye sobremanera famosu por protagonizar la serie de televisión Walker, Texas Ranger dende 1993 hasta 2001. Norris interpretaba al Ranger de Texas Cordell Walker, un tipu duru que defendía de toes toes los bonos valores, según tamién la llei y la xusticia. Nesta serie tuvo acompañáu por Clarence Gilyard Jr. (James Trivette), Noble Willingham (C.D. Parker) y Sheree J. Wilson (Alex Cahill).

Chun Kuk Do

Norris na película Delta Force.

Chuck Norris creó l'arte marcial llamáu Chun Kuk Do, que ta basáu principalmente en Tang Soo Do ya inclúi elementos de toles artes marciales que Chuck Norris conoz. Como munches otres artes marciales, Chun Kuk Do inclúi un códigu d'honor y unes regles de vida. Estes regles pertenecen al códigu personal de Chuck Norris y son les siguientes:

Voi Desenvolver el mio potencial al máximu posible en toles perspeutives de la mio vida.
Voi Escaecer los errores del pasáu y voi concentrame nos grandes trunfos del presente.
Caltendré siempres nun pensamientu positivu y voi tratar de tresmitir ésti a toles persones que conoza.
Voi Trátase de cutio de desenvolver l'amor, l'allegría y la llealtá na mio familia, y voi entender que nengún otru llogru puede compensar los fallos nel llar.
Voi Buscar lo meyor de toles persones y fadré-yos sentir que valen la pena.
Si nun tengo nada bonu que dicir sobre una persona, nun voi dicir nada.
Voi Emplegar tanto tiempu n'ameyorar la mio persona que nun voi tener tiempu de criticar a los demás.
Voi Ser siempres tan entusiasta colos llogros d'otres persones como colos míos propios.
Voi Caltener una actitú de tolerancia escontra les persones que tienen un puntu de vista distinta del mio, mientres caltengo firme al respective de lo que personalmente creo verdaderu y honestu.
Voi Caltener respetu escontra les autoridaes y demostrar tol tiempu.
Caltendré siempres lleal a Dios, el mio país, la mio familia y a los mios amigos.
Caltendré siempres altamente empobináu mientres tola mio vida con una actitú positiva a ayudar a la mio familia, el mio país y la mio persona.

Lleenda humorística

Chuck Norris con John W. Handy en avientu de 2001.

Nos últimos años abondaron per Internet una serie de chistes sobre Chuck Norris, llamaos Fechos de Chuck Norris (Chuck Norris Facts),^[4] presentándo-y como'l tipu duru qu'acostuma a interpretar nes sos películes y series.

Norris manifestóse al respeutu nel blogue conservador WorldNetDaily en 2006. Considera bona parte de diches chancies daqué risonderu, nun sintiéndose ofendíu. Sicasí, esclaria que na hestoria del planeta namái hubo un superhombre real, Xesucristu.^[5]

Política

Nel añu 2007, utilizó la so popularidá pa sofitar al candidatu a la nominación republicana pa les eleiciones Presidenciales de EE. UU. en 2008, Mike Huckabee, por aciu un videu promocional^[6] nel qu'apaecíen dambos y Huckabee pronuncia delles Verdaes sobre Chuck Norris.

Filmografía

La casona de los siete placeres (1969)
Way of the Dragon (1972)
The Student Teachers (1973)
Slaughter in San Francisco (1974)
Breaker! Breaker! (1977)
Good Guys Wear Black (1978)
A Force of One (1979)
The Octagon (1980)
An Eye for an Eye (1981)
Silent Rage (1982)
Forced Vengeance (1982)
Lone Wolf McQuade (1983)
Missing in Action (1984)
Missing in Action 2: The Beginning (1985)
Code of Silence (1985)
Invasion U.S.A. (1985)
El Templu del oru (1986)
Fuercia Delta (1986)
Braddock: Missing in Action III (1988)
Hero and the Terror (1988)
Fuercia Delta 2: La conexón colombiana (1990)
The Hitman (1991)
Sidekicks (1992)
Wind in the Wire (1993)
Walker, Texas Ranger (1993-2001)
Hellbound (1994)
Top Dog (1995)
Forest Warrior (1996)
Logan's War: Bound by Honor (1999)
The President's Man (2000)
The President's Man 2: A Line in the Sand (2002)
Bells of Innocence (2003)
Dodgeball: A True Underdog Story (2004)
The Cutter (2005)
Walker, Texas Ranger: Trial by Fire (2005)
The Expendables 2 (2012)^[7]

Referencies

↑ URL de la referencia: https://www.geneastar.org/celebrite/norrisc/chuck-norris.
↑ Afirmao en: SNAC. Identificador SNAC Ark: w6pv7frj. Apaez como: Chuck Norris. Data de consulta: 9 ochobre 2017. Llingua de la obra o nome: inglés.
↑ Identificador CONOR.SI: 74802787. Afirmao en: CONOR.SI.
↑ «Fechos de Chuck Norris».
↑ WorldNetDaily: On Chuck Norris 'mania' sweeping the net. 2006. http://www.wnd.com/news/article.asp?ARTICLE_ID=52567. Consultáu'l 9 d'avientu de 2006.
↑ Chuck Norris sofita a Mike Huckabee
↑ http://www.sensacine.com/noticias/cine/noticia-18503703/

Enllaces esternos

Wikiquote tien frases célebres suyes o que faen referencia a Chuck Norris.

Wikimedia Commons tien conteníu multimedia tocante a Chuck Norris.

Chuck Norris na Internet Movie Database (n'inglés)
Páxina web oficial de Chuck Norris (n'inglés)
Ficha na NNDB (n'inglés)

[01407ade7e4578b43a8f0d17bce6e1e81c8bee02-1] URL de la referencia: https://www.geneastar.org/celebrite/norrisc/chuck-norris.

[d53c898a51a5e223497b646de7af2b84da865156-2] Afirmao en: SNAC. Identificador SNAC Ark: w6pv7frj. Apaez como: Chuck Norris. Data de consulta: 9 ochobre 2017. Llingua de la obra o nome: inglés.

[29b9a3227b3c5cd1554c5c3fa7eb5eb02deeee6c-3] Identificador CONOR.SI: 74802787. Afirmao en: CONOR.SI.

[4] «Fechos de Chuck Norris».

[5] WorldNetDaily: On Chuck Norris 'mania' sweeping the net. 2006. http://www.wnd.com/news/article.asp?ARTICLE_ID=52567. Consultáu'l 9 d'avientu de 2006.

[6] Chuck Norris sofita a Mike Huckabee

[7] ttp://www.sensacine.com/noticias/cine/noticia-18503703/

[1]

[2]

[3]

[4]

[5]

[6]

[7]