Axente de rampla

Un axente de rampla ye l'encargáu de faer les operaciones en tierra d'un aeropuertu, mayoritariamente na rampla (nome típicu dadu a una zona d'aparcamientu de los aviones), de normal tán vistíos con chalecos d'alta visibilidá pa ser fácilmente alcontraos por pilotos y otros vehículos aeroportuarios, usualmente utilicen proteutores d'oyíos pa evitar el ruiu de los motores de les aeronaves.

Axente de rampla nel aeropuertu internacional Orio al Serio

Operaciones en rampla

• Carga d'equipaxe: De normal d'utiliza un vehículu especializáu pa ello, puede tratase d'equipaxe sueltu o n'ULD´s, dependiendo del tamañu y capacidá del avión, esto tamién inclúi a aeronaves de carga.
• Cáterin: Llimpieza y re-suministru de los servicios de cáterin, anque de normal la compañía de cáterin suel tener los sos propios axentes pa exercer esta función.

  

  Push-back d'un B747, unu de los exercicios de los axentes de rampla.

• Allugamientu: Allugamientu d'unidaes d'alimentación esterno (GPU), escaleres, conos, vehículos de carga d'equipaxe, unidaes de ventilación, cuñas y pasareles.
• Push-back: Remolque a la cai de rodaxe con un tractor y la direición de la mesma por aciu un cable de comunicación a la cabina, allugamientu de pins nel tren delanteru.
• Guía d'aparcamientu: Guía por aciu un Marshaller.
• Repostaxe de combustible: Suministru de combustible d'aviación con un camión cisterna.
• Inspeición visual: Inspeición de l'aeronave, usualmente faise en xunto a los pilotos.
• Estracción de xelu de les ales: derretimiento del xelu en ales con camiones diseñaos pa esti propósitu, esti serviciu ye apurríu solo cuando ye necesariu.
• Tratamientu de refugayes: Vaciáu del tanque de agües negres del avión y enllenáu del deposito d'agua llimpio pal próximu vuelu.

Operaciones fora de la rampla

• Tresporte d'equipaxe: Tresporte dende la zona de carga/descarga a la rampla y viceversa.

  

  Carros de carga utilizaos por aeropuertos

• Remolque d'aeronaves: Remolque escontra zones de caltenimientu, otros aparcamientos o hangares.

Marshaller

Delles señales mas reconocíes.

Un Marshaller ye un axente de rampla encargáu de dirixir l'aeronave al so puntu d'aparcamientu de la manera mas exacta posible, utilizando señales, pueden utilizar vares retro-allumaes (avezaes na nueche), paletes o inclusive les manes, son famosos na cultura popular, siendo un iconu de los aeropuertos.

«Marshaller» en rampla

Galería

• 
• 
• 
• 
• 
• 
• 
• 
• 
• 
• 
• 
• 
• 

Referencies

Descripción d'axente de rampla