Linn Berggren

Malin Sofia Katarina Berggren (31 d'ochobre de 1970, Congregación de Bergsjön ^(es) ), conocida mundialmente como Linn Berggren, ye una ex integrante y fundadora de la banda Ace of Base, que crearon xunto colos sos hermanos Jenny y Jonas y el so amigu Ulf Ekberg en 1987, col nome de TechNoir.

Linn Berggren
Vida
Nacimientu	Congregación de Bergsjön (es) , 31 d'ochobre de 1970 (54 años)
Nacionalidá	Suecia
Familia
Hermanos/es	Jonas Berggren Jenny Berggren
Estudios
Estudios	Universidá Teunolóxica de Chalmers Schillerska gymnasiet (en)
Llingües falaes	inglés suecu
Oficiu	cantante, compositora de cantares
Miembru de	Ace of Base
Xéneru artísticu	pop techno (es) eurodance (es) Europop
Mena de voz	contraltu
Instrumentu musical	violín pianu voz
IMDb	nm1209284

Cuando Ace of Base robló contratu cola casa discográfica Mega Records de Dinamarca, en 1990, Malin fixo un altu na so carrera como docente. A diferencia de la so hermana Jenny, que siempres quixo ser cantante, Linn declaró en 1997 "Yo quería cantar, pero nunca quixi ser cantante".

Papel de Linn en Ace of Base

Mientres la promoción del primer álbum de Ace of Base, Linn yera la voz principal y la protagonista de los videos. Pal segundu álbum, "The Bridge" (La Ponte), la participación de Jenny foi más igualitaria.

A partir de 1997, Linn empezó a apaecer nes presentaciones nun segundu planu y casi oculta. Nos videos musicales y nes fotografíes promocionales, la so imaxe apaecía borrosa o a cencielles nun la amosaben, y dende 1998 cuando la entrevistó una emisora d'El Líbanu nun faló con nengún mediu de comunicación. Los otros miembros del grupu dieron dende entós poques lluces sobre lo que lu pasó a Linn y el porqué del so aislamientu.

Vida personal

Linn ye poliglota: amás del so natal suecu, fala con fluidez inglés, alemán, español rusu y francés. Otros detalles de la so vida fora de la banda son totalmente desconocíos pal públicu, en cuantes que Jonas, Jenny y Ulf formaron les sos respeutives families. En 2015, Jonas confirmó que s'axuntaba con Linn frecuentemente y que ella esfrutaba d'una vida sele ensin nengún interés na fama o en tornar a la música. Nel Facebook oficial de Ace of Base, y con ocasión del so cumpleaños númberu 50, en marzu de 2017, Jonas cuntó que celebrara hasta altes hores de la nueche xunto con Jenny, Linn y los sos amigos.

Contribuciones a la música de Ace of Base

Voz

Linn cantó en toles temes de Ace of Base, sacante los siguientes:

• Fashion Party (Jenny, Ulf, & Jonas)
• My Mind (Jenny & Ulf)
• Dimension of Depth (instrumental)
• Ravine (Jenny)
• Experience Pearls (Jenny)
• Wave Wet Sand (Jenny)
• Mercy Mercy (Jenny)
• I Pray (Jenny & Ulf)
• Donnie (US version) (Jenny)
• Don't Go Away (Jenny)
• Unspeakable (Jenny)
• Beautiful Morning (Jenny)
• Remember the Words (Jenny)
• World Down Under (Jenny)
• Wonderful Life (Jenny)
• What's The Name of The Game (Jenny)
• Show Me Love (Jenny)
• The Juvenile (Jenny)

Composición

• Hear Me Calling (con Jonas, Jenny Berggren y Ulf Ekberg)
• Strange Ways
• Whispers In Blindness
• Just 'N' Image
• Lapponia (demo)
• Love in December (con Jonas, Jenny Berggren y Ulf Ekberg)
• Beautiful Morning (con Jenny y Jonas Berggren)
• Change With the Light (con Jenny, Jonas Berggren y Ulf Ekberg)
• What's the Name of the Game (con Jenny, Jonas Berggren, Harry Sommerdahl y Jonas von der Burg)

Producción

• Strange Ways
• Whispers In Blindness
• Just N Image
• Lapponia

Otres

• Ventenu cumpleaños de la princesa Victoria de Suecia, el 14 de xunetu de 1997.

Enllaces esternos

• Linn Berggren na Internet Movie Database (n'inglés)

• Datos: Q2916576