London Calling

London Calling
Datos
Tipu	cantar
Álbum	London Calling
Intérprete	The Clash
Idioma	inglés
Xéneru	Post-punk y punk rock
Lletrista	Joe Strummer, Topper Headon, Paul Simonon y Mick Jones
Compositor	Joe Strummer, Topper Headon, Paul Simonon y Mick Jones
Productor	ensin valor
Fecha publicación	1979

“London Calling” ye un cantar de los británicos The Clash espublizáu nel so segundu álbum, entituláu como esti tema. El títulu fai referencia a les emisiones del serviciu mundial de la BBC usáu demientres la Segunda Guerra Mundial, “This is London calling...”, que tresmitía pa los países ocupaos.

Na lletra del tema, escrita por Joe Strummer y Mick Jones, el grupu de punk-rock fala sobre'l so esmolecimientu polos problemes ecolóxicos mundiales y la realidá de los “errores nucleares” tres l'incidente de Three Mile Island. Inclús hai una llinia onde falen sobre la posibilidá de que'l Ríu Támesis inundara´l centru de Londres ("London is drowning/And I live by the river"/ Londres ta inundándose/ y yo vivo xunto'l ríu).

Tamién pue vese nel cantar un esmolecimientu pol futuru del punk-rock n'Inglaterra dempués del españíu de los 70 y los sos propios problemes como grupu (taben endeudaos y con griesques col so manager): "now don't look to us/All that phoney Beatlemania has bitten the dust" (Agora nun mos miréis a nós/ Tou esti engañu de la Beatlemanía mordió'l polvu).

Curiosidaes

En 2006 un pasaxeru d'un vuelu que salía de Londres foi deteníu pola policía como presuntu terrorista tres que'l taxista que lu llevara Al aeropuertu denunciáralu por tar escuchando esti cantar.

Referencies

Enllaces esternos

Wikimedia Commons tien conteníu multimedia tocante a London Calling.