Musca

Musca («Mosca» en llatín) ye una de les constelaciones menores del sur. La constelación creada por Pieter Dirkszoon Keyser y Frederick de Houtman ente 1595 y 1597, y apaeció per primer vegada nel llibru Uranumetria de Johann Bayer de 1603.

La Mosca Musca
Carta celeste de la constelación de la Mosca na qu'apaecen les sos principales estrelles.
Nomenclatura
Nome n'asturianu	La Mosca
Nome en llatín	Musca
Xenitivu	Muscae
Abreviatura	Mus
Descripción
Introducida por	Pieter Dirkszoon Keyser y Frederick de Houtman
Superficie	138,4 graos cuadraos 0,335 % (posición 77)
Ascensión reuta	Ente 11 h 19,43 m y 13 h 51,13 m
Declinación	Ente -75,68° y -64,64°
Visibilidá	Completa: Ente 90° S y 14° N Parcial: Ente 14° N y 25° N
Númberu d'estrelles	62 (mv < 6,5)
Estrella más brillante	Alfa Muscae (mv 2,69)
Oxetos Messier	Nengunu
Oxetos NGC	6
Oxetos Caldwell	2
Lluvies de meteoros	Nenguna
Constelaciones colindantes	5 constelaciones Apus Carina Chamaeleon Circinus Crux
Meyor mes pa ver la constelación Hora llocal: 21:00
Mes	Mayu
[editar datos en Wikidata]

Historia

Nel sieglu XVII, Johann Bayer introduz la constelación de Apis (abeya) pa cubrir una área del polu sur celeste hasta entós non cartografiada. Dada la so tardida introducción escarez de base mitolóxica. En 1752, Nicolas Louis de Lacaille camuda'l nome de Apis a Musca Australis (Mosca Austral) que yera la contrapartida de la sumida constellación de Musca Borealis (Mosca Boreal), que componíase d'unes poques estrelles na constelación d'Aries. Anguaño, esta constelación conozse a cencielles como Musca.

Carauterístiques destacables

Alfa Muscae, la principal estrella, ye una variable Beta Cephei con una variación de rellumu de 0,05 magnitúes al respective de la so magnitú media (2,69). Otru oxetu d'interés na constelación ye Gliese 440, la cuarta nana blanca más cercana al Sistema Solar, asitiada a 15 años lluz de distancia.

Musca contién el transiente de rayos X blandios Nova Muscae 1991, un sistema binariu formáu por una estrella y un furacu negru. Mientres la esplosión de 1991, que dio llugar al so descubrimientu, detectóse radiación producida por aniquilación positrónica.

Estrelles

Estrelles principales

• α Muscae, la estrella más brillosa de la constelación con magnitú 2,69 tien color blancu-azuláu y ye una variable Beta Cephei.
• β Muscae, estrella binaria de magnitú 3,04 formada por dos componentes blancu-azulaes con un periodu orbital de 383 años.
• γ Muscae, estrella blancu-azulada de magnitú 3,84.
• δ Muscae, estrella xigante naranxa de magnitú 3,61 a 91 años lluz de la Tierra.
• ε Muscae, xigante colorada y variable semirregular que'l so rellumu bazcuya ente magnitú 3,99 y 4,31.
• λ Muscae, estrella binaria que les sos componentes, separaes 36 segundos d'arcu, tienen magnitúes 3,63 y 12,8.

Otres estrelles con denominación de Bayer

• ζ¹ Mus 5,73; ζ² Mus 5,15; θ Mus 5,44; η Mus 4,79; ι¹Mus 5,04; ι²Mus 6,62; μ Mus 4,75

Otres estrelles

• R Muscae, variable cefeida que'l so rellumu varia ente magnitú 5,93 y 6,73 nun periodu de 7,51 díes.
• S Muscae, tamién variable cefeida con rellumu variable ente 5,89 y 6,49 nun periodu de 9,66 díes.
• EZ Muscae, variable Alfa2 Canum Venaticorum de magnitú 6,19.
• HD 111232, nana mariella con un planeta estrasolar.
• HD 115226, estrella Ap de rápides oscilaciones (roAp) con una de les mayores amplitúes conocíes ente les estrelles d'esti tipu.
• HD 115585, estrella mariella de magnitú 7,42 d'elevada metalicidá.
• Gliese 440 (LHS 43), nana blanca asitiada a 15 años lluz del Sistema Solar.

Oxetos de cielu fondu

Imaxe de la Nebulosa Reloj de Sable llograda col Telescopiu espacial Hubble.

• NGC 5189, nebulosa planetaria con una estraña forma en "S".
• Nebulosa Reloj de Sable (MyCn 18), nebulosa planetaria distante 8000 años lluz del Sistema Solar.
• Cúmulos globulares NGC 4372 y NGC 4833.

Enllaces esternos

• Wikimedia Commons tien conteníu multimedia tocante a Musca.

• Datos: Q10435
• Multimedia: Musca (constellation)