Yoshihiro Togashi
Yoshihiro Togashi (27 d'abril de 1966, prefeutura de Yamagata) ye un dibuxante de manga xaponés conocíu por obres como Hunter x Hunter y Yū Yū Hakusho, obres espublizaes na revista Weekly Shōnen Jump. Ta casáu con Naoko Takeuchi, creadora del perfamosu manga Sailor Moon.
Yoshihiro Togashi | |
|---|---|
| Vida | |
| Nacimientu | prefeutura de Yamagata, 27 d'abril de 1966 (58 años) |
| Nacionalidá |
 Xapón |
| Familia | |
| Casáu con | Naoko Takeuchi |
| Hermanos/es | Togashi |
| Estudios | |
| Estudios | Universidá de Yamagata |
| Llingües falaes | xaponés[1] |
| Oficiu | mangaka |
| Trabayos destacaos |
Hunter × Hunter Yu Yu Hakusho Level E |
| IMDb | nm1210942 |
 | |
 | |
Vida
editarInfancia
editarYoshihiro Togashi ñaz na ciudá de Shinjō, asitiada al norte de la prefeutura de Yamagata, dientro d'una familia dueña d'una papelería llocal[2]. Entama a dibuxar manga de casualidá ente'l so primer y segundu añu d'escuela primaria[3], pero nun sería hasta 1986, cuando debutó como Mangaka a los 20 años, cola so obra "Buttobi Straight" que ganó'l Premiu Tezuka. Dempués crea otru trabayu llamáu "Jura no Miduki" en 1987, convirtiéndose nuna mención d'honor na revista de Seleición del Premiu "Hop Step" añal de la editorial Shueisha.
Carrera
editarEl so primer trabayu profesional foi "Ōkami Nante Kowakunai" (Nun tengo mieu de los llobos),[4] dempués sigue con "Tonda Birthday Present" (El regalu de cumpleaños volador) y delles hestories curties más, tien seis comedies de cuentos. La revista Weekly Shonen Jump espublizó delles hestories enantes d'arrexuntalo en formatu tankōbon en 1989. Dempués apaez "Tende Showaru Cupid" (El malváu ya incapaz Cupido)[5] creáu ente 1987 y 1990, con 3 volumes, publicaos na mesma editorial. Nesta obra combina'l romance colo fantástico, l'autor s'inspira na mitoloxía xaponesa.
Togashi entama a ser famosu col manga Yū Yū Hakusho,[6] publicáu a principios de los años 1990 pola revista Shonen Jump, y pasaría a tresformase en formatu Anime[7] en 1992. Inspiráu nel Esoterismu, los demonios, los mundos paralelos y dimensionales, incluyendo la película Poltergeist y el folclor xaponés. D'esta obra vienen dos películes Yū Yū Hakusho: Meikai Shitouhen Honoo non Kizuna (Los invasores del infiernu) de 1994, Yū Yū Hakusho Gekijōban (El secuestru de Koenma) de 1993, y OVAs tipu videoclip como: Heizō Hakusho I y Heizō Hakusho II... ente 1995 y 1996.
Yū Yū Hakusho vendió más de 49 millones de copies namás en Xapón, y foi editáu en dellos países como Francia, Italia y Estaos Xuníos, incluyendo Llatinoamérica, n'Arxentina pola editorial Ivrea, en Méxicu pol Grupu Editorial Vide y n'España pola editorial Glénat. Na metá de los años 1990, apaez otru trabayu de Togashi llamáu Level Y,[8] que trata sobre un mozu universitariu que tien de devolve-y la memoria a un alieníxena, qu'en realidá ye un príncipe d'un planeta alloñáu. Esto s'espublizó ente 1995 y 1997, con 3 volumes. En 2011 fíxose un Anime d'esa serie pol mesmu estudiu d'animación qu'ellaboro la serie Yū Yū Hakusho, Studio Pierrot. So la direición de Toshiyuki Katou.[9]
El 3 de marzu de 1998, Togashi remanez col Manga Hunter X Hunter[10] publicáu na mesma editorial que nos sos trabayos anteriores, inspiráu nes sos aficiones de recoyer oxetos, besties insolitas, na creación del so trabayu inventó un abecedariu d'estilu estraterrestre faciéndolo nel abecedariu Hiragana, pa los lletreros de les ciudaes y oxetos de la serie. Hunter X Hunter ye ún de los títulos más famosos de Togashi en Xapón. estendiéndose per tol mundu incluyendo l'anime.
El 6 de xineru de 1999, Togashi de casa cola famosa mangaka Naoko Takeuchi, autora del famosu manga "Bishoujo Senshi: Sailor Moon"; y tuvieron un fíu nel añu 2001.
El calter de Togashi ye'l mesmu d'un autor de manga risible, y ye, en pallabres de la so propia esposa, una persona rara, desorganizáu y un auténticu maniacu de los videoxuegos.
Trabayos
editar- Sensēha Toshishita!! (1986, llueu apaez en Ten de Shōwaru Cupid Volume 4)[11]
- Jura no Miduki (1987, presentáu en Hop Step Award Selection Volume 1 y llueu en Ten de Shōwaru Cupid Volume 4)
- Ōkami Nante Kowakunai!! (1989, tankōbon publicáu por Shueisha)
- Buttobi Straight (1987)
- Tonda Birthday Present (1987, publicáu na Weekly Shōnen Jump)
- Occult Tanteidan (1988–1989, dos estayes publicaes na Weekly Shōnen Jump)
- Horror Angel (1988, publicáu na Weekly Shōnen Jump)
- Ōkami Nante Kowakunai!! (1989, publicáu na Weekly Shōnen Jump)
- Ten de Shōwaru Cupid (1989–1990, publicáu na Weekly Shōnen Jump)
- YuYu Hakusho (1990–1994, serializáu na Weekly Shōnen Jump)
- Level E (1995–1997, serializáu na Weekly Shōnen Jump)
- Hunter × Hunter (1998–anguaño, serializáu na Weekly Shōnen Jump)
- Akuten Wars (2017, publicáu en Grand Jump Premium)
Referencies
editar- ↑ Afirmao en: autoridaes BNF. Identificador BnF: 12567867q. Data de consulta: 10 ochobre 2015. Autor: Biblioteca Nacional de Francia. Llingua de la obra o nome: francés.
- ↑ «Manga Planet Visits....Yoshihiro Togashi's Childhood Home» (inglés) (5 d'abril de 2018). Archiváu dende l'orixinal, el 2018-06-19. Consultáu'l 5 de febreru de 2019.
- ↑ «Wayback Machine» (4 de febreru de 2006). Archiváu dende l'orixinal, el 2006-02-04. Consultáu'l 5 de febreru de 2019.
- ↑ «Mangaupdates Profile Manga Ōkami Nante Kowakunai» (inglés) (23 de marzu de 2015). Consultáu'l 23 de marzu de 2015.
- ↑ «Mangaupdates Profile Manga Tende Showaru Cupid» (inglés) (23 de marzu de 2015). Consultáu'l 23 de marzu de 2015.
- ↑ «Mangaupdates Profile Manga Yū Yū Hakusho» (inglés) (23 de marzu de 2015). Consultáu'l 23 de marzu de 2015.
- ↑ «Animenewsnetwork Profile Anime Yū Yū Hakusho» (inglés) (23 de marzu de 2015). Consultáu'l 23 de marzu de 2015.
- ↑ «Mangaupdates Profile Manga Level Y» (inglés) (23 de marzu de 2015). Consultáu'l 23 de marzu de 2015.
- ↑ «Animenewsnetwork Profile Anime Level Y» (inglés) (23 de marzu de 2015). Consultáu'l 23 de marzu de 2015.
- ↑ «Mangaupdates Profile Manga Hunter X Hunter» (inglés) (23 de marzu de 2015). Consultáu'l 23 de marzu de 2015.
- ↑ Shueisha: センセーは年下!! 4. ISBN 978-4-08-871674-9.
Enllaces esternos
editar
Datos: Q550311
