Institutu de Ciencia y Teunoloxía del Carbonu
L'Institutu de Ciencia y Teunoloxía del Carbonu (INCAR; d'antiguo: Institutu Nacional del Carbón), con sede en La Corredoria (Uviéu), ye un centru del Conseyu Cimeru d'Investigaciones Científiques (CSIC), Organismu Autónomu adscritu al Ministerio d'Economía, Industria y Competitividá. El INCAR pertenez al Área de Ciencia y Teunoloxíes Químiques, una de les ocho árees en que'l CSIC estrema la so actividá investigadora.
| Institutu de Ciencia y Teunoloxía del Carbonu | |
|---|---|
| institutu d'investigación | |
 | |
| Llocalización | |
| País |  España |
| Autonomía |  Principáu d'Asturies |
| Provincia | Provincia d'Asturies |
| Conceyu |  Uviéu |
| Direición | España |
| Coordenaes | 43°23′23″N 5°49′19″W / 43.38975°N 5.82186°O |
  Institutu de Ciencia y Teunoloxía del Carbonu Institutu de Ciencia y Teunoloxía del Carbonu (Asturies) | |
| Historia | |
| Fundación | 1947 |
| Participación empresarial | |
| Organización matriz | Conseyu Superior d'Investigaciones Científiques |
| Bolsa de valores |
Conseyu Superior d'Investigaciones Científiques Ministerio de Ciencia e Innovación (es)  Ministerio de Ciencia de España (es) |
| Web oficial | |
 | |
Historia
editarEl INCAR caltién una posición de lideralgu nel campu del carbón y de la ciencia y teunoloxía del carbón y los materiales de carbonu. La so actividá científica ta empobinada a un usu más llimpiu y eficaz del carbón y los sos derivaos, incluyendo nuevos desarrollos teunolóxicos.
El INCAR realiza amás un importante llabor de desenvolvimientu y carauterización de materiales p'aplicaciones enerxétiques, estructurales y medioambientales.
Fundáu en 1947, nos sos empiezos el INCAR centró les sos actividaes na investigación científico y tecnolóxico del usu y aplicaciones del carbón, con una estensa dedicación a los procesos de preparación y usu de les hulles y antracites d'Asturies. En xunu de 1952 comencipió a construyise les instalaciones definitives, que s'inauguraron en 1960, y que dexaron ampliar notablemente les posibilidaes de trabayu esperimental, tanto a escala de llaboratoriu, como pilotu y semi-industrial, y asina, emprestar sofitu cola so investigación al usu del carbón asturianu na industria siderúrxica.
A lo llargo la so esistencia, el INCAR empobinó la so actividá científica al estudiu de carbones nacionales y d'importación, a los procesos de conversión -combustión pa producción d'enerxía llétrica y coquización pal llogru de coque siderúrxicu- col fin de contribuyir a un usu más llimpiu y eficaz del carbón y los sos derivaos. El INCAR desenvuelve tamién una importante actividá nel campu de nuevos materiales carbonosos, que les sos propiedaes estructurales, texturales, llétriques, electroquímiques y catalítiques son investigaes nes aplicaciones más modernes, dende materiales compuestos hasta supercondensadores. Les actividaes del INCAR enmárcanse en proyeutos d'investigación financiaos a nivel rexonal, nacional y européu, y contratos d'investigación y de sofitu con empreses del sector, tanto nacionales como estranxeres.
La evolución del INCAR llevó a la diversificación de les investigaciones, calteniendo les temes de trabayu clásicos, como los rellacionaos cola conversión de carbón y los procesos rellacionaos, y la carboquímica, entá cuando s'estudien dende perspectives más amplies y complexes, incluyendo por casu la adición de biomasa o residuos con distintos fines, o l'usu de nuevos precursores y procesos pa desenvolver materiales más sofisticaos.
La so estructura actual ye de tres departamento d'investigación y dellos servicios de sofitu a la investigación.
Departamentos
editarEl INCAR ta estructuráu en tres departamentos d'investigación:
- Procesos Químicos n'Enerxía y Mediu Ambiente *
- Química de Materiales
- Carbón, Enerxía y Mediu Ambiente
Llinies d'investigación
editarEl INCAR enmarca la so actividá dientro de dos grandes llinies d'investigación:
- Desenvolvimientu de materiales de carbonu ya inorgánicos p'aplicaciones estructurales, enerxétiques y medioambientales.
- Teunoloxíes llimpies pa la conversión y usu del carbón.
Infraestructura y servicios
editarEl INCAR cunta con un modernu equipamientu científicu que-y dexa caltener una posición de lideralgu nel campu de la ciencia y teunoloxía del carbón y los sos derivaos. Esti equipamientu empresta serviciu a los distintos grupos d'investigación del INCAR, amás d'ofrecer una amplia ufierta d'asistencia al esterior (empreses, OPIs, etc.).
Referencies
editarEnllaces esternos
editar
Wikimedia Commons acueye conteníu multimedia sobre Institutu de Ciencia y Teunoloxía del Carbonu.- Páxina web oficial
Datos: Q5917603- Multimedia: Instituto Nacional del Carbón
