Estadiu de La Romareda
L'estadiu de La Romareda ye un estadiu de fútbol municipal allugáu nel barriu Romareda de Zaragoza onde'l Real Zaragoza apuesta los sos partíos como llocal.
| Estadiu de La Romareda | |
|---|---|
| estadiu de fútbol | |
 | |
| Llocalización | |
| País |  España |
| Autonomía |  Aragón |
| Provincia |  provincia de Zaragoza |
| Conceyu |  Zaragoza |
| Direición |
Paseo de Isabel la Católica (es)  |
| Coordenaes | 41°38′12″N 0°54′06″W / 41.6366°N 0.9018°O |
  Estadiu de La Romareda Estadiu de La Romareda (España) | |
| Altitú | 229 m |
| Historia y usu | |
| Copa Mundial de Fútbol de 1982 | |
| Dueñu | Conceyu de Zaragoza |
| Xestión | Real Zaragoza |
| Deporte | fútbol |
| Usuariu | Real Zaragoza |
| Aforu | 97 890 |
| Arquiteutura | |
| Constructor |
Ferrovial (es) |
 | |
Inauguróse'l 8 de setiembre de 1957 y el so aforu actual ye de 35 000 espectadores, lo que-y convierte nel decimotercer estadiu con mayor capacidá d'España.
Historia
editarFoi una de les sedes de los Xuegos Olímpicos de Barcelona 1992, pa la disputa de partíos de fútbol. De la mesma, La Romareda foi propuesta como Estadiu Olímpicu, na fallida candidatura de Jaca a los Xuegos Olímpicos d'iviernu de 2014.
N'agostu de 2006, inauguráronse diverses reformes nel estadiu, estes fueron nuevos vestuarios onde s'asitiaron taquilles personalizaes pa cada futbolista, un jacuzzi, sala de masaxes y una enfermería, amás d'otres reformes. Reconstruyóse'l palcu presidencial y fixéronse diverses meyores y nueves instalaciones pa los medios de comunicación.[1]
En febreru de 2013, inauguráronse los sos nuevos banquinos.[2]
N'avientu d'esi mesmu añu, el Conceyu de la ciudá venció-y la titularidá del estadiu al club.[3][4]
Allugamientu
editar
L'estadiu ta dafechu integráu na ciudá, al sur del centru urbanu, nel barriu La Romareda del distritu Universidá. El llateral oeste llenda cola plaza piatonal Eduardo Ibarra; el fondu norte, cola cai Luis Bermejo; el llateral esti llinda col paséu Isabel La Católica y el fondu sur cola cai Xerusalén.
Próximos al estadiu atopen el campus Plaza San Francisco de la Universidá de Zaragoza, los hospitales Miguel Servet y Clínicu Lozano Blesa, y el Auditoriu de Zaragoza.
L'estadiu ta conectáu col tresporte urbanu por aciu la Llinia 1 del Tranvía de Zaragoza y con delles llinies urbanes d'autobuses de Zaragoza.
Mundial de fútbol d'España 1982
editarZaragoza foi sede de la Copa Mundial de fútbol de 1982. Ello supunxo que La Romareda acoyera tres alcuentros pertenecientes a la fase de grupos (Grupu E): España, Yugoslavia, Irlanda del Norte y Hondures.
| 17 de xunu de 1982, 21:00 | Llocal |
0:0 |
 Irlanda del Norte
|
Estadiu La Romareda, Zaragoza | ||
| Informe | Asistencia: 25.000 espectadores Árbitru: Erik Fredriksson (Suecia) | |||||
| 21 de xunu de 1982, 21:00 | Llocal |
1:1 (0:1) |
Irlanda del Norte
|
Estadiu La Romareda, Zaragoza | ||
| Informe | Armstrong  9'
|
Asistencia: 15.000 espectadores Árbitru: Sun Cham Tan (Hong Kong) | ||||
| 24 de xunu de 1982, 21:00 | Llocal |
0:1 (0:0) |
 Yugoslavia
|
Estadiu La Romareda, Zaragoza | ||
| Informe | Petrović 88' (p)
|
Asistencia: 25.000 espectadores Árbitru: Gastón Capo (Chile) | ||||
Escenariu de grandes conciertos
editar- Dire Straits (1992)
- Gloria Estefan (1996)
- Michael Jackson (1996)
- Bruce Springsteen (1999)
- Alejandro Sanz (2001)
- Metallica (2004)
- Maná (2007)
- Héroes del Silencio (2007)
Proyeutos de nuevu estadiu
editarEl 18 d'avientu de 2002, l'entós alcalde de la ciudá, José Atarés presentó-y al presidente del Real Zaragoza, Alfonso Sólans la maqueta del nuevu estadiu en Valdespartera (contornes de Zaragoza),[5] sicasí la so construcción foi abandonáu debíu al cambéu de la corporación municipal en 2003.
Darréu pretendió reconstruyise lo nel mesmu allugamientu, con una capacidá de más de 42.000 persones, pero esta opción quedó atayada por cuenta de la almisión a trámite y suspensión cautelar de les obres (17 de marzu de 2006) de resultes de dos demandes xudiciales de la oposición municipal.[6] Finalmente, el proyeutu foi paralizáu en marzu de 2007.
En febreru de 2008, el Conceyu de Zaragoza, tres un cambéu na coalición de gobiernu, anunció l'alcuerdu por que'l nuevu campu allugar nel distritu de San José.
En febreru de 2011, anuncióse l'aplazamientu ´sine die´ de la construcción del Nuevu estadiu de San José.[7]
En xineru de 2012, la candidatura olímpica de Madrid 2020 escoyó Zaragoza como subsede lo que podría desbloquiar el futuru estadiu. D'esta manera, la construcción d'un nuevu campu o una remodelación integral del actual entraría dientro de lo lóxico.[8]
En xineru de 2013, el Conceyu de Zaragoza tuvo estudiando una reforma integral de La Romareda con un presupuestu que bazcuyaría ente los 19 y 25 millones d'euros y coles mires de ser subsede olímpica si Madrid gana la carrera de los Xuegos de 2020.[9]
En setiembre de 2013, tres la derrota de la candidatura de Madrid 2020, el responsable municipal de Deportes, el socialista Roberto Fernández, apostó por nun aparcar la remodelación del campu zaragocista, sinón aprovechar pa "tomar una decisión de cara a los próximos 6 o 7 años". La suya sería la d'acometer "una reforma integral que podría costar ente 10 y 15 millones d'euros".[10]
Anexos
editar| Estadístiques | Información | Clubes rellacionaos | Infraestructura |
|---|---|---|---|
|
Referencies
editar- ↑ El Real Zaragoza “dignifica” la imaxe de La Romareda
- ↑ La Romareda estrena banquinos
- ↑ El consistoriu dexa la titularidá de la Romareda
- ↑ Remataes los arreglos d'emerxencia en La Romareda
- ↑ El Zaragoza da'l vistu bonu al so nuevu estadiu
- ↑ La permuta de los terrenes y la normativa sobre grandes superficies paralicen les obres de La Romareda
- ↑ La construcción del nuevu estadiu en San José, aplazada ´sine die´
- ↑ Madrid 2020 escueyi Zaragoza como subsede y podría desbloquiar el futuru estadiu
- ↑ Heraldo de Aragón (ed.): «conceyu_zaragoza_entama_reformar_romareda_con_unos millones_madrid_see_olimpica_217743_301.html El Conceyu de Zaragoza entama reformar La Romareda con unos 25 millones si Madrid ye sede olímpica» (10 de xineru de 2013). Consultáu'l 10 de xunetu de 2013.
- ↑ reforma integral-de-romareda-y-invertir-15-millones_881992.html El PSOE apuesta pola reforma integral de La Romareda ya invertir 15 millones
Enllaces esternos
editar
Wikimedia Commons acueye conteníu multimedia sobre Estadiu de La Romareda.- Estadiu de La Romareda Archiváu 2016-05-10 en Wayback Machine en RealZaragoza.com
Datos: Q17484- Multimedia: Estadio de La Romareda
