Alfonso Domínguez-Gil Hurlé

Alfonso Domínguez-Gil Hurlé
Vida
Nacimientu	Xixón, 1942 (81/82 años)
Nacionalidá	España
Estudios
Estudios	Universidá de Salamanca
Llingües falaes	castellanu; inglés
Oficiu	farmacéuticu, investigador
Miembru de	Real Academia Nacional de Farmacia ; Real Academia de Doctores d'España

Plantía:Formatu de referencies

Alfonso Domínguez-Gil Hurlé (Xixón, 1942) farmacéuticu asturianu, referente nacional nos campos de la biofarmacia y farmacocinética y de la farmacia hospitalaria. Desenvolvió la so actividá fundamentalmente na Universidá de Salamanca como caderalgu de Farmacia y Teunoloxía Farmacéutica.

Biografía

Impulsor de la creación de la Facultá de Farmacia de Salamanca, onde llegó en 1973 procedente de la Universidá de Santiago de Compostela. Catedráticu del Departamentu de Farmacia y Teunoloxía Farmacéutica dende 1974 hasta 2014. Na actualidá ye profesor Eméritu Honoríficu de la Universidá de Salamanca. Mientres esti tiempu dirixó 42 tesis doctorales, foi investigador principal en más de 30 proyeutos, publicáu más de 300 artículos en revistes nacionales ya internacionales de reconocíu prestíu y siendo coautor en 10 llibros.^[1]

Amás del so llabor docente ya investigadora desempeñó diversos cargos de xestión na Universidá de Salamanca, como Xefe de Departamentu, Decanu de la Facultá de Farmacia y Vicerrector d'Investigación. Foi, ente otros cargos profesionales, representante d'España na Comisión Europea de la Farmacopea Europea y na Farmacopea Internacional de la Organización Mundial de la Salú, Presidente de la Comisión Nacional de la Real Farmacopea Española, Presidente del Institutu pal Usu Seguru de les Melecines (ISMP-España) perteneciente al Institute for Safety Medicine Practice d'EE.XX., miembru de los Comités d'Evaluación de la calidá n'Universidaes d'España y Portugal, miembru del Comité Asesor de l'Axencia Española de la Melecina y Vicepresidente de la Sociedá Española de Farmacoloxía.

Dende 1974 a 2012 foi Xefe del Serviciu de Farmacia del Hospital Universitariu de Salamanca, creando la primer unidá de Farmacocinética Clínica d'España, que se convirtió nun referente de la monitorización terapéutica de fármacos. Dende equí contribuyó a la formación de los farmacéuticos d'hospital nesti campu, dirixendo más de 30 ediciones del Cursu de Monitorización de Fármacos na Práctica Clínica^[2] ya impulsáu la formación d'equipos multiprofesionales d'asistencia al paciente.

Gran comunicador, la so presencia foi imprescindible en foros científicos y divulgativos sobre usu de melecines.^[3]^[4]^[5] Ye Académicu de númberu de la Real Academia Nacional de Farmacia, de la Real Academia de Doctores del Institutu d'España, de la Real Academia de Medicina de Salamanca y Académicu Correspondiente de la Real Academia de Farmacia de Cataluña, de l'Academia de Farmacia de Galicia y de la Real Academia de Medicina de Valladolid. Coles mesmes, ye Académicu Fundador y Vicepresidente de l'Academia de Farmacia de Castiella y Lleón.

Distinciones

A lo llargo de la so trayeutoria profesional recibió numberosos premios y distinciones:

1978: Premiu Nacional d'Investigación “Laude”
1993: “The pharmacy practice research award of the American Society of Health-System Pharmacy and Education Foundation” (Atlanta, EE.XX.).
2007: “ Research Achievement Award concedíu pola Federation of International Pharmaceutics (Ámsterdam, Holanda) y primer premiu Nacional de programes empobinaos a ameyorar la Seguridá del Paciente promovíu pola Comunidá de Madrid.
2008: Premiu María de Maeztu a la excelencia investigadora pola Universidá de Salamanca *

2008: Premiu a la Investigación na Meyora de la Información al Paciente sobre Salú y Melecines.^[6]

2011: Premiu Best in Class al meyor serviciu farmacéuticu d'España *

2012: Premiu Sanitaria 2000, a los meyores profesionales sanitarios de Castiella y Lleón.^[7]

Referencies

↑ [1]
↑ Curso de Monitorización de Fármacos na Práctica Clínica
↑ retos-de-la-farmacoeconomia-1929
↑ compromisu-de-toos/
↑ farmacia-convierte-la conocencia-en-una actividá social-que-salva-vides
↑ hospital-de-salamanca
↑ «Archived copy». Archiváu dende l'orixinal, el 2019-02-20.

Enllaces esternos

Ficha Academia de Medicina de Salamanca (enllaz rotu disponible n'Internet Archive; ver l'historial y la última versión).
Ficha Real Academia Nacional de Farmacia
Ficha Real Academia de Doctores del Institutu d'España
Ficha na Academia de Farmacia de Castiella y Lleón
Alfonso Domínguez-Gil, premiu al meyor serviciu farmacéuticu d'España. El Comercio.es 12 de setiembre de 2011

[1] [1]

[:0-2] Curso de Monitorización de Fármacos na Práctica Clínica

[3] retos-de-la-farmacoeconomia-1929

[4] romisu-de-toos/

[5] rmacia-convierte-la conocencia-en-una actividá social-que-salva-vides

[6] spital-de-salamanca

[7] «Archived copy». Archiváu dende l'orixinal, el 2019-02-20.

[1]

[2]

[3]

[4]

[5]

[6]

[7]