Los nueve mil millones de nomes de Dios
Los nueve mil millones de nomes de Dios (The Nine Billion Names of God, n'inglés) ye un rellatu curtiu de ciencia ficción escritu por Arthur C. Clarke y asoleyáu en 1953. La hestoria foi seleicionada en 1970 pola Asociación d'escritores de ciencia ficción y fantasía d'Estaos Xuníos como una de les meyores hestories curties espublizaes enantes de la creación del Premiu Nébula. Foi publicada en The Science Fiction Hall of Fame, Volume One, 1929–1964 y en 2004 ganó la retrospeutiva del Premiu Hugo a meyor rellatu curtiu pol añu 1954.
| Los nueve mil millones de nomes de Dios | |
|---|---|
| obra lliteraria | |
| Datos | |
| Autor | Arthur C. Clarke |
| Fecha | febreru 1953 |
| Xéneru |
ciencia ficción y cuento de ciencia ficción (es)  |
| Llingua de la obra | inglés |
| País orixinal |
 Reinu Xuníu |
 | |
Argumentu
editarEl rellatu cuenta la hestoria d'una lamasería tibetana na que los monxos busquen perfacer la llista de nomes de Dios, dende la creyencia de que l'Universu foi creáu con esi propósitu y, en tando'l nome completu, Dios va acabar col mesmu. Trés sieglos enantes, los monxos crearon un alfabetu nel que calcularon les posibilidaes de descodificación de los nomes de Dios, cifrándolu n'alrodiu 9.000.000.000 ("nueve mil millones") caún ensin tener más de nueve carauteres. Escribiéndolos a mano, como taben faciendo, inclusive desaniciando delles combinaciones ensin xacíu, llevaría-yos otros 15.000 años; los monxos, poro, quieren emplegar teunoloxía moderna pa rematar esta tarea lo más rápido posible.
Arrienden un ordenador capaz d'imprentar toles posibles permutaciones, y contraten a dos inxenieros occidentales pa instalar y programar la máquina. Los mesmos son escépticos pero acepten el trabayu. Depués de trés meses, cola xera a piques de completase, los occidentales temen que los monxos culpen al ordenador y por estensión al so trabayu como inxenieros, cuando nun asoceda nada. Retrasen la operación del ordenador pa qu'esta peracabe d'imprentar tando ellos yá fuxendo d'ellí. Depués de la so salida, allegándose al llugar onde'l so avión ta esperando pa tornalos a la civilización miren al cielu y descubren que "sobre les sos cabeces, ensin xaréu nengún, les estrelles taben apagando."
Torna al asturianu
editarEl 30ᵘ volume de la revista Lliteratura, asoleyáu nel XXXV Día de les Lletres Asturianes en mayu de 2014, inclúi una torna d'esti rellatu curtiu tornáu al asturianu por Víctor Suárez Piñero.[1]
Referencies
editar- ↑ C. Clarke, A.: «Los nueve mil millones de nomes de Dios». Lliteratura 30, páxina
Datos: Q1049684
