Mónica García Prieto
Mónica García Prieto (1974, Badayoz)[2] ye una periodista española, reportera internacional pa distintos medios de comunicación españoles, reconocida y gallardoniada con importantes premios periodísticos.[3][4][2]
Mónica García Prieto | |
|---|---|
_Tertulia_finalistas_XXXIII_Premio_de_Periodismo_Cirilo_Rodr%C3%ADguez.jpg) | |
| Vida | |
| Nacimientu | Badayoz, 1974 (49/50 años) |
| Nacionalidá |
 España |
| Familia | |
| Casada con |
Javier Espinosa Robles [1] Julio Fuentes Serrano ( – 2001)[1] |
| Estudios | |
| Llingües falaes | castellanu |
| Oficiu | periodista |
| Premios | |
 | |
Trayeutoria
editarGarcía Prieto ye llicenciada en Ciencies de la Información, na caña de Periodismu,[4] anque remató los dos últimos años de carrera yá trabayando n'Italia[5] dempués d'un tiempu de práutiques en distintos medios.[6] Tuvo casada col reporteru de guerra Julio Fuentes, asesináu na invasión d'Afganistán de 2001.[6] La so pareya na actualidá (2018), ye Javier Espinosa, periodista que tamién tuvo secuestráu en Siria mientres más de seis meses.[7] Xuntos publicaron en 2017 el llibru La grana del odiu. De la invasión d'Iraq al surdimientu del ISIS.[5]
A lo llargo de más de venti años foi corresponsal en Roma, Moscú, Xerusalén, Beirut y Bangkok[3] y percorrió el mundu como reportera centrando les sos cobertories na denuncia de los abusos a los derechos humanos en tiempos de guerra y na defensa de los civiles.[3] Trabayó en dellos conflictos como el llevantamientu zapatista de Chiapas, segunda guerra de Chechenia, guerra de Xeorxa, el conflictu de Macedonia, les invasiones d'Afganistán y Iraq y la guerra civil iraquina, múltiples ataques contra Gaza, la guerra d'El Líbanu, la guerra de Siria,[3] según les revueltes de la Primavera Árabe, ente otros.[8]
La so carrera centróse n'Oriente Próximu, Asia Central y el Sureste Asiáticu,[3] onde trabaya dende 2014 como corresponsal freelance pa El Mundo, Periodismu Humanu y Cuartu Poder.[6][3]
Foi reconocida colos premios Dario D'Angelo en 2005, José María Porquet de Periodismu Dixital en 2011,[8] José Couso de Llibertá de Prensa en 2013, Julio Anguita Parrado en 2016 y Cirilo Rodríguez de 2017,[2] onde yá fuera finalista en 2011.[3]
Referencies
editar- ↑ 1,0 1,1 URL de la referencia: https://www.hoy.es/extremadura/201703/27/periodismo-maleta-20170327001425-v.html.
- ↑ 2,0 2,1 2,2 Aurelio Martín (26 de mayu de 2017). «Mónica García Prieto gana'l ‘Cirilo Rodríguez’ pa corresponsales». El País. https://elpais.com/cultura/2017/05/26/actualidad/1495828510_216131.html. Consultáu'l 30 de xunu de 2018.
- ↑ 3,0 3,1 3,2 3,3 3,4 3,5 3,6 Centru de Cultura Contemporánea de Barcelona (ed.): «Mónica García Prieto». Consultáu'l 30 de xunu de 2018.
- ↑ 4,0 4,1 «La reportera Mónica García llogra'l Premiu José Couso pola so cobertoria del conflictu siriu». Faro de Vigo. 17 d'abril de 2013. https://www.farodevigo.es/sociedad-cultura/2013/04/17/reportera-monica-garcia-llogra-premiu-jose-couso-cobertura-conflicto-sirio/792712.html. Consultáu'l 30 de xunu de 2018.
- ↑ 5,0 5,1 Jordi Pérez Colomer (marzu de 2018). jotdown,ye (ed.): «Mónica G. Prieto: «Somos primarios, somos primitivos. Somos neandertales con smartphone»». Consultáu'l 30 de xunu de 2018.
- ↑ 6,0 6,1 6,2 Antonio J. Armeru (27 de marzu de 2017). hoy.es (ed.): «El periodismu na maleta». Consultáu'l 30 de xunu de 2018.
- ↑ Cadena SER (ed.): «Mónica García Prieto, el periodismu notariu de la Historia» (7 d'abril de 2016). Consultáu'l 30 de xunu de 2018.
- ↑ 8,0 8,1 periodismohumano.com (ed.): «Mónica García Prieto». Consultáu'l 30 de xunu de 2018.
Enllaces esternos
editar
Wikimedia Commons acueye conteníu multimedia sobre Mónica García Prieto.- Mónica García Prieto en Twitter (cuenta verificada)
Datos: Q55294948- Multimedia: Mónica García Prieto
