Ildefonso Martínez
Ildefonso Martínez y Fernández (28 d'abril de 1821, Benia – 26 de setiembre de 1855, Uviéu) foi un médicu asturianu. Ye famosu por lluchar n'Uviéu contra'l cólera qu'afeutó a Asturies nel añu 1885.
Ildefonso Martínez | |
|---|---|
| Vida | |
| Nacimientu | Benia[1], 28 d'abril de 1821[2] |
| Nacionalidá |
 España |
| Muerte | Uviéu[1], 26 de setiembre de 1855[2] (34 años) |
| Causa de la muerte | cólera |
| Estudios | |
| Estudios |
Reales Estudios de San Isidro (1835 - 1838) Real Colegio de Cirugía de San Carlos (es)  (1838 - 1844) |
| Llingües falaes | castellanu |
| Oficiu | médicu |
 | |
Biografía
editarA los catorce años, ingresó nos Reales Estudios de San Isidro, onde estudió Ciencies y Humanidaes. Graduóse de bachiller en 1837. Nesi mesmu añu entamó los estudios nel Real Colexu de Medicina y Ciruxía de San Carlos. Doctoróse en medicina y ciruxía en 1844. Fundó delles sociedaes: Sociedá d'Instrucción Recíproca, Atenéu Médicu-Quirúrxicu Matritense, Academia d'Esculapiu y tamién l'Institutu Médicu, del que foi presidente y profesor.[3] En 1851 algamó la plaza de médicu-direutor del balneariu de Baños de Bellús (Valencia), pero 3 años depués camudó la plaza pol de Beyures de Nava.
En setiembre de 1855 Ildefonso taba n'Asturies cuando xurdió un biltu de cólera morbo-asiáticu, ya Ildefonso Martínez ofrecióse voluntariu al conceyu d'Uviéu pa ufiertar los sos servicios profesionales. Redautó entós la Cartilla popular higiénica y terapéutica del cólera morbo-asiático, por la Comisión facultativa de la Junta provincial de Sanidad y trabayó contra la peste hasta que finó, víctima d'esta enfermedá, el día 26 de setiembre, a la edá de 34 años.[3] Foi soterráu nel campusantu de San Cipriano, onde la Casa'l Conceyu-y dedicó una llábana pol so esfuerciu:[4]
«A la memoria del Dr. D. Ildefonso Martínez, Médico distinguido que murió el 26 de Setiembre de 1855, víctima de su celo, abnegación i caridad cristiana asistiendo a los enfermos coléricos de esta capital»[5]
- 1846 - Examen de ingenios para las ciencias ...;compuesto por el doctor Juan Huarte de San Juan ; aumentado con las variantes de las más selectas ediciones y de su juicio crítico, escrito por Ildefonso Martínez y Fernández.
- 1847 - Nueva filosofia de la naturaleza del hombre, no conocida ni alcanzada de los grandes filosofos antiguos, la qual mejora la vida y la salud humana.
- 1848 - De la pelagra y mal de rosa de Asturias.
- 1851 - El buscapié del buscaruido de Don Adolfo de Castro.
- 1851 - La apología de los ciegos, o la homeopato-manía historia-crítico-médica.
- 1855 - Espejo del verdadero médico.
- 1855 - El Crisol. Floresta Crítico-Médica. (revista espublizada hasta'l 24 d'ochobre del mesmu añu)
Referencies
editar- ↑ 1,0 1,1 URL de la referencia: https://biblioteca.ucm.es/historica/ildefonso-martinez. Data de consulta: 23 abril 2020.
- ↑ 2,0 2,1 Afirmao en: datos.bne.es. Identificador BNE: XX4579975. Data de consulta: 21 xunetu 2018. Llingua de la obra o nome: castellanu.
- ↑ 3,0 3,1 «Ildefonso Martínez y Fernández» (castellán). Consultáu'l 23 d'abril de 2020.
- ↑ Carmen Ruiz-Tilve (21 de payares de 2011). «Las calles de Oviedo y su denominación» (castellán). Consultáu'l 23 d'abril de 2020.
- ↑ Mercedes Cabello Martín. «El Archivo Personal de Ildefonso Martínez y Fernández en la Biblioteca Histórica de la Universidad Complutense de Madrid» (castellán). Archiváu dende l'orixinal, el 2021-11-27. Consultáu'l 23 d'abril de 2020.
- ↑ «Martínez y Fernández, Ildefonso (1821-1855)» (castellán).
Datos: Q55688113
Multimedia: Ildefonso Martínez y Fernández
