Cristina Bermúdez

Cristina Bermúdez
Vida
Nacimientu	Corniana, circa 982
Nacionalidá	Reinu de Lleón
Muerte	1050 (67/68 años)
Familia
Padre	Bermudo II de León
Madre	Velasquita de León
Casada con	Ordoño Ramírez el Ciego (es)
Fíos/es	Ordoño Ordóñez; Doña Palla; Aldonza Ordoñez (en)
Hermanos/es	Alfonso V de León (es) ; Ordoño Bermúdez
Pueblu	dinastía Astur-lleonesa
Creencies
Relixón	Ilesia Católica

Cristina Bermúdez (circa 982, Corniana – circa 1050) foi infanta de Lleón y fía del rei Bermudo II de Lleón y de la so primer esposa, la reina Velasquita Ramírez. Los sos güelos paternos fueron el rei Ordoño III de Lleón y la reina Urraca Fernández, fía del conde de Castiella Fernán González. Los sos güelos maternos fueron probablemente'l conde gallegu Ramiro Menéndez y la condesa Adosinda Gutiérrez, dambos de la más alta nobleza galaicoportuguesa.^[1]

El so padre, el rei Bermudo refugara a la so primer esposa y volvió contraer matrimoniu con Elvira García, con quien tuvo al futuru rei Alfonso V de Lleón y a les infantes Teresa y Sancha Bermúdez.

Matrimoniu y descendencia

Cristina casóse pocu dempués de 1000 y antes de 1016 con Ordoño Ramírez el Ciegu,^[2] fíu del rei Ramiro III de Lleón y de Sancha Gómez. D'esti matrimoniu, probablemente favorecíu pola reina Velasquita y pola reina viuda Teresa Ansúrez, dambes recluyíes nel monesteriu de San Pelayo d'Uviéu,^[3] baxa'l llinaxe de los Ordóñez d'Asturies, el más importante d'esti reinu nel sieglu XI. La descendencia de los infantes Ordoño y Cristina ye mentada por Rodrigo Jiménez de Rada na so crónica del rei Bermudo II de Lleón, «...de Velasquita tuvo a la infanta Cristina; esta Cristina tuvo de Ordoño el Ciegu, fíu del rei Ramiro, a Alfonso, Ordoño, la condesa Pelaya y Aldonza», información que coincide cola documentación asturiana de dellos monesterios, incluyendo'l de Corniana y el de Courias, según cola de la catedral de San Salvador d'Uviéu,^[4] onde se noma como los sos fíos a Alfonso, Aldonza, Ordoño y Pelaya Órdoñez, esta postrera tamién llamada doña Palla.^[2]

Últimos años

Monesteriu de San Salvador de Curniana

La infanta Cristina yá yera viuda en 1024 según declárase nuna donación que realizó al monesteriu de Corniana que fundara en «réxime de partición hereditaria» nesi mesmu añu.^[5] Finó alredor del añu 1050^[2] y probablemente recibió sepultura nel monesteriu que fundara y onde profesó como relixosa.^[6]

Bibliografía

Calleja Puerta, Miguel (2001). El conde Sueru Vermúdez, la so parentela y la so redolada social: L'aristocracia asturlleonesa nos sieglos XI y XII. KRK Ediciones. ISBN 84-95401-68-1.

García Álvarez, Manuel Rubén (1960). «¿La Reina Velasquita, nieta de Muniadomna Díaz?». Revista de Guimarães (70): páxs. 197-230. http://www.csarmento.uminho.pt/docs/ndat/rg/RG070_10.pdf.

Sánchez Candeira, Alfonso (1950). «La reina Velasquita de Lleón y la so descendencia». Hispania. Revista española d'Historia (Madrid: C.S.I.C.) (40): páxs. 449-505. ISSN 0018-2141.

Torres Sevilla-Quiñones de Lleón, Margarita (1998). Llinaxes nobiliarios de Lleón y Castiella: Sieglos IX-XIII. Salamanca: Xunta de Castiella y Lleón, Conseyería d'Educación y Cultura. ISBN 84-7846-781-5.

Referencies

↑ García Álvarez, 1998, páxs. 211-225.
↑ ^2,0 ^2,1 ^2,2 Calleja Puerta, 2001, p. 117.
↑ Torres Sevilla-Quiñones de Lleón, 1998, p. 95.
↑ Torres Sevilla-Quiñones de Lleón, 1998, p. 97.
↑ Calleja Puerta, 2001, p. 44.
↑ Torres Sevilla-Quiñones de Lleón, 1998, p. 96.

[FOOTNOTEGarcía_Álvarez1998{{{c}}}211-225-1] García Álvarez, 1998, páxs. 211-225.

[FOOTNOTECalleja_Puerta2001{{{c}}}117-2] 2,0 ^2,1 ^2,2 Calleja Puerta, 2001, p. 117.

[FOOTNOTETorres_Sevilla-Quiñones_de_Lleón1998{{{c}}}95-3] Torres Sevilla-Quiñones de Lleón, 1998, p. 95.

[FOOTNOTETorres_Sevilla-Quiñones_de_Lleón1998{{{c}}}97-4] Torres Sevilla-Quiñones de Lleón, 1998, p. 97.

[FOOTNOTECalleja_Puerta2001{{{c}}}44-5] Calleja Puerta, 2001, p. 44.

[FOOTNOTETorres_Sevilla-Quiñones_de_Lleón1998{{{c}}}96-6] Torres Sevilla-Quiñones de Lleón, 1998, p. 96.

[1]

[2]

[3]

[4]

[5]

[6]