Bloomberg Tower
La Bloomberg Tower ye un rascacielos de la ciudá d'Estaos Xuníos de Nueva York. Asítiase nel númberu 731 de l'avenida Lexington (Lexington Avenue), nel Midtown Manhattan, y tien un altor de 246 m (806 pies) y 55 pisos, con una superficie edificada total de 130.000 m². Nella tien la so sé la compañía proveedora de noticies financieres Bloomberg L.P., amás de delles tiendes y restaurantes. Hai tamién 105 apartamentos de luxu[1], conocíos como One Beacon Court, qu'ocupen les plantes 31 a 55 de la torre y que tienen una entrada distinta de les de los pisos d'oficines[2].
| Bloomberg Tower | |
|---|---|
| Rascacielos | |
 | |
| Llocalización | |
| País |  Estaos Xuníos |
| Estaos |  Nueva York |
| Ciudá |  Nueva York |
| Borough |  Manhattan |
Barrio (es)  | Midtown Manhattan |
| Direición | Lexington Avenue, 731 |
| Coordenaes | 40°45′43″N 73°58′05″W / 40.76181°N 73.968°O |
  Bloomberg Tower Bloomberg Tower (los EE.XX.) | |
| Historia y usu | |
| Apertura | 2005 |
| Dueñu | Bloomberg L.P. |
| Arquiteutura | |
| Arquiteutu/a | César Pelli |
| Inxenieru d'estructures |
Thornton Tomasetti (es) |
| Estilu | arquiteutura postmoderna |
| Altor | 245,7 m |
| Pisos | 55 |
| Instalaciones | |
| Formáu por |
Natural Progression (en) |
 | |
La torre asítiase nel solar que primero ocupaba ún de los más tradicionales grandes almacenes de la ciudá, Alexander's. Esa tienda peslló en 1992, magar que l'edificiu nun foi demolíu hasta 1999. Nel añu 2000 la compañía Vornado Realty Trust entamó la construcción del edificiu, diseñáu por Cesar Pelli, que abrió les sos puertes en 2004.
L'edificiu ocupa una manzana entera, la que ta enmarcada poles avenides Lexington (Lexington Avenue) y tercera (Third Avenue) y les cais 58 (58th Street) y 59 (59th Street). El complexu, fechu n'aceru y cristal, abarca dos torres coneutaes ente sí: una, d'once plantes, que mira pa la Tercer Avenida, y otra de 55 pisos, que mira pa la Avenida Lexington[3]. La torre asítiase sobre una base, de 10 plantas d'altor, d'espaciu pa oficines, que comunica cola base de la torre oeste, d'ocho plantes d'altor y destinada a usu comercial y d'oficines. Dambes zones conéctense por un atriu a nivel de la cuarta, quinta y sesta planta. Los dos pódiums tán separtaos por un patiu redondeáu y rodeáu d'una muria de 9 pisos d'altor con forma de conu invertíu[4] que, al nivel de la cai, coneuta les cais 58 y 59. El so diseñu inspírase nel d'otros recintos históricos de la ciudá, como Grand Central Station, la sala de llectura del edificiu central de la biblioteca pública de Nueva York o la pista de patinaxe del Rockefeller Center. El patiu ta arrodiáu de les muries de cristal de les dos torres, que van retránqueandose seliquino de la que van xubiendo n'altor.
Enllaces esternos
editar- (n'inglés) Ficha del edificiu na web Skyscrapercenter.com
- (n'inglés) Ficha del edificiu na web Emporis.com
- (n'inglés) Modelu dixital en 3D del edificiu en Google 3D Warehouse (enllaz rotu disponible n'Internet Archive; ver l'historial y la última versión).
Referencies
editar- ↑ «A Tower Goes Up, and a Neighborhood Perks Up». Nytimes.com. Consultáu'l 11 de xunu de 2013.
- ↑ «Portfolio del 731 Lexington Avenue». Vornado Realty Trust. Archiváu dende l'orixinal, el 2013-09-28. Consultáu'l 11 de xunu de 2013.
- ↑ «Portfolio del 731 Lexington Avenue». Vornado Realty Trust. Archiváu dende l'orixinal, el 2013-09-28. Consultáu'l 11 de xunu de 2013.
- ↑ «Portfolio del 731 Lexington Avenue». Enclos.com. Archiváu dende l'orixinal, el 2013-05-15. Consultáu'l 11 de xunu de 2013.
Datos: Q875078
Multimedia: Bloomberg Tower
